in ahi.
Akichep masang uvin Germany players hon Argentines tehin mi jana anei hih uve tin kamchang a kinahna apan taovin chuleh achesa World Cup a tu stage mama a penalty a alelnao chu Diego Maradona in phulahna kanei dingu ahi ati. A team ho 6-1 a Bolivia te in ajo u chuleh Brazil leh Paraguay tetoh akijotonao chunga fans hohin qualified joulouding u hitam tin anagel uvin chuleh Maradona selection policy chunga tuchan in alunglhei kit hih uvin ahi.
Argentina tehin hahsatah in ahung qualified uvin ahivang in Spain te in friendly match a ana jou jing ujongle, Mipi themkhat in vang South Africa muna World Cup lathei lah a amahohi khat in agel uvin ahi. Alamkai paovin khaotah a thupihna anei jeh jong himeithei ahin, chuleh mijouse in ana nungsun nom nunga amahohin
kovei kijoma jona team ading in ahin nei uvin ahi. Maradona akipah in, squad chu hoitah in lhenna anei in chuleh forward Lionel Messi in goal ema akhum joulou lai vang in amahin kichepna a nasatah in pan ala e tin
aseipha in ahi.
Messi in goal masapen khum nading a angah jing nalai in ahivang in phatseh in kichepna a min aha tup lheh in ahi. Ama koma um Gonzalo Higuan leh Carlos Tavez in Tounament a leading goal akhumnao 10 lah achun 6
akhum lhon tai.
Paraguay tetoh akichepna dingu va coach pain Torres nungkou kit
Pretoria, Lhamul 2: Spain coach Vicente Del Bosque in misemnia Paraguay tetoh quarterfinal akichepna
ding uvin Fernando Llorente khel ding in striker Fernando Torres anung kou kit tan ahi. Spain muna fans ho
akon media in polls abolnao achun attack a lhahsam na aum e tihi atamjo ahi jing vang in Del Bosque in tuchan in Torres chunga kinepna anei nalai in ahi.
'Hitobang tounament a kinielna ho chu notthap a koiding chu ahitheipoi ajeh chu mijouse in alunggel cheh asei ahin chuleh amahon ahin phondoh u chu apha lheh in ahi,' tin Del Bosque in aseiye.
'Tua keiho forward hi Fernando Torres bou ahi. Achesa livei kakichepnao achun phat chomkhat bou kichep na anei in, ahinla tuahi kichep bena anei ding ahi. Ama chunga tahsanna sangtah kanei uvin chuleh Fernando
Llorente hin team a echengei hamkhat a bolhoina anei ding jong kahe uvin ahi,' tin aseibe kit e.
Llorente hin akhup surgery akibol jou a tournament a hungpang Torres sang in abol hoijo in, chuleh 1-0 a portugal te kajonao chunga attack boldinga akhelna a jong hoitah in kichepna aneikit in ahi.
Chili te World Cup akon in pot jongle agammite hon phatah a lemna nei uWorld Cup a hoitah a performance anei jou uva national team ho inlam a ahung kile u lemna neina ding in vanghomni in Chilian mipi sangkhat val in anatohnao chuleh a themjilnao dalha in ana ngah uvin ahi. Sempatnia second round a Brazil te khut a alel uva hiche tournamnet akon Chili tehi pot u ahitai. Epi hitajongle, group stage a nivei jona ana nei vin, hiche hi kum 1962 a agam uva athum channa a anapan uvapat ana umkhalou chu ahikit e.
Vanghomni in, capital Santiago muna lampi achun players ho touna bus asan president pa umna mun jona
hung chu lemna ding in Fans ho akigol lhung kei uvin ahi.' Ana umkhalou Chili te gampam a akichep naova
alhunjounao chu ahi. Leiset chunga best team 10 lah a epan thei u hi Chilian mipijouse adinga kiletsahna
khat chu ahi,' tin president pain palace pam a mipiho masanga chun aseiyin ahi.
Argentina a coach pao Marcelo Bielsa in kholjinna anei sunga aginchat toh abahlou jeh in hiche tohmun hi adalhah meithei ahitai. Kumthum sunga South American team lah athem mopen tehi athempen lah a khat a ahinpansah jou jeh in fans hon Bielsa choisang in amain asam uvin ahi.
Pele in Maradona seise kit
Berlin: Brazilian football legend Pele in Argentina coach Diego Maradona kamcheng a kinahna anei chu vanghomni in apandoh kit in aseina achun, Maradona hi coach phatah chu ahipoi ajeh chu amain a private life
chunga boina anei in ahi. Pele in achesa World Cup final sunga ana seina achun, Maradona hin sum angaichat jeh a Argentina player ho coaching bolna dinga natohna bou chu akilah ahi ati. Maradona hin masanga aboina cocaine addict ahijeh a akijen nading jong chu apang in, hiche hin team chu asuboi ding bou chu ahi tin, aseibe kit e.
Argentina, World Cup match li abon a tuchan a joute hin, kichem themtah Germany te misemni tengle quarterfinal a Cape Town muna akichep pi dingu ahi. 'Maradona hi coach phatah chu ahipoi, ajeh chu team toh hoitah machalna aneithei louna ding hinkho hoiloutah khat anei in ahi,'tin three-time World Cup winner Pele in German magazine 11Freunde achun aseiyin ahi.
Kum 69 a upa Pele in, achesa pathennia khangdong kichem themtah German players hon last 16 match a England te 4-1 a ajo tobang uva hi lolhinna ahin neikit dingu agin chat na chu aseidoh in ahi.
'German players khangdong ho kichep hi vetnom aum lheh in ahi. Thilkhat mudoh thei khat a um chu German football a hin kikhelna ahung umdoh tai, hiche chu Euro 2008 kipatlam a( Spain te khut a 1-0 a alelnao) akon hungkipan ahitan chuleh khangdong kichem themtah Mesut Ozil leh Thomas Mueller hi ana minchesa Wolfgang Overath leh Pierre Littbarski tobang ahilhon in ahi,' tin Pele in aseiye.
'Amahon pass kitoh chet chet a kipehna thei thepna chu anei uvin chuleh ginchat loubeh in thil boldoh jouna
jong anei kit uvin ahi, ahivang in amahohi World Cup jona neiding in achapang val nalai uve,' tin Pele in aseibe kit e.
Ahivang in Villa in goal ama ading in li akhum tan, tuhin Argentina’s Gonzalo Higuain leh Slovakia’s Robert Vittek teni agoal khum jat akibang tai
Vittek hi tournament akon kichem louding ahitan, Brazilís Luis Fabiano leh German teni Thomas Mueller leh Miroslav Klose in hiche thu ahi seiding nei u jongle, Villa leh Higuain hin top scorer ho kipaman kipe Golden Boot kichu na chu anei lhon ding ahitai. Villa, 28, pahi World Cup a Spain milah a goal tam khumpen goal sagi khum joupa chu ahitan, ama noi a hin Legendary Emilio Butragueno, Fernando Hierro, Fernando Morientes chuleh Raul, tournament a goal nga cheh khum ho aum uvin ahi.
Villa, Barcelona ten Valencia akon 40-million-euro a akichoh pahin, Torres in hoitah a kichep jouna aneilou jeh in ama in phat kilem chang hochu ana mangcha in, goal khumna in anei kit in ahi.
'Torres koma seiding khat bou ahile epi dinga tuchan a goal na khum joulou laiham tihi ahi. Ama team a apan nom nalai hi tahbeh a seiding in lungsuthou tah khat chu ahi,' tin Villa in Spanish Telivision achun aseyin ahi. 'Eihon ehet u khat chu amain akhup surgery chu lha masa a akibol jou bep nalai ahin chuleh mipihon Fernando Torres a performance ginchat bang ahipoi tia asei chu kei vang kanompoi. Round of 16 a Portugal te ajonao chunga Torres, Fernando Llorente Athletic Bilbao a kichem pain akhel chunga mipi akon thu tampi aging in ahivang in Villa in aseina achun, 'Torres in Portugal tetoh kakichep naova team echen geiham khat in akithopi in chuleh Llorente in jong hiche chu abol jomkit in ahi ati'. 'Torres hi akichem hoimo poi. Amain umchan hoitah
anei in chuleh World Cup a amain Misemnia a Paraguay tetoh kakichep tengule hoitah a kichepna ahin neiding tihi keiho kinepna ahi,' tin Villa in aseiye.
SouthAfrica muna a goal khum jat tua rate hi Raul in akhum toh akibah nadinga hi Villa in Semifinal khat a
Argentina ahilouleh Germany tetoh akichep naova akhumbe kit a ahile akibah pi ding ahitai.
