LOSANGELES (Hollywood Reporter): 'Twilight Saga: Eclipse' kiti vampire film hin foreign box office hi anivei chan nading in atoupha kit in market 63 ah $81.1 million amudoh in ahi.chuleh aban a Britain le France a No. 1 a um 'Shrek Forever After' kiti cartoon
film hin gam 47 a $56.2 amu in, 'Toy Story 3' kiti cartoon film mama hi No 3 spot a apang in $39.1 million amu in ahi.

Sci-fi action film 'Predator' kiti, North America box office a No 3 a umhin oversea a No 4 ranking amu in market 22 ah weekend chun $18 amu in ahi. 'the Karate kid' kiti film hi top five in apang in $12.33 million amun total in $42.1 million amudoh in chuleh, Mexico a No 1 amun Autralia a No 3 amu in $3.75 le $3.2 million alo doh in ahi.

Britain gam ah 'The Twilight Saga:Eclipse' film hin $21 million alo doh in country's biggest of the year rank amu in kum masa a anaki hong 'The Twilight Saga: New Moon' kiti sang in $2 million in amutam jouvin ahi.France gam ajong $12.4 million amu uvin ahi.Overall in 'Eclipse' hin ni 12 sung in $219 million alodoh in ahi.

Foreign box office a hin 'Shrek' franchise in total in 210 million amu in chuleh tu kal sunga hi market 4 ajong opening abol nahlai dingu ahin,hiche opening abolding u gam lah a hin Mexico le Belgium jong apang in ahi. Brazil gam a hin 'Shrek Forever After' in $7.4 amu in animation title ading in market opening record asem doh in ahi.World Cup-crazy Spain gam a jong hin ìShrekî in $5.2 amudoh jouvin chuleh, Argentina gam a jong $3.2 amudoh in market opening gross record asem doh in ahi.

Jimmy Buffett in Alabama a free concert bol
GULF SHORE, Ala : Sangsom sang ja tam mipi Hawaiian songkhol ki ah a parrot lukhuh kihkuh hon
Pathen ni chun, free Jimmy Buffett concert ah thanom tah in la anasaovin beach dunga chun analam leuvin ahi. Hiche concert hi Gluf Coast muna tourist mun jouse thao in achup poiti vetsah na a abolu ahi.


Hiche show/concert, CMT cable channel a live telecast anaki bolchu nikho phatah khat ni anatoh khan ahi. Van jong anatheng set in chuleh, hiche beach achun thao jong chuti tah anaha lut pon ahi.Hiche concert a hungho tui sunga alutlou nading uvin Alabama National Guard hon vut ki sungdim barrier tamtah avel a chun ana tung uvin ana ngah un ahi.

Buffett,hiche Alabama coast apat hung khang len nuhin stage chunga chun mipi hochu hatah in ana chohhel in
ana thanop theisah lheh in ahi. ìTu ni concert hi tupi(Ocean) toh jazz Fest kinei tobang ahi.Chuleh nikho phatah tuni tobanga hiche mun Gulf Coast a kahung thei jeh in kakipah in katha anom lheh in ahi' tin Buffett chun asei in ahi. Buffett chun la ngeitah tah 'Son of a Son of Sailor', 'Come Mondayî chuleh 'Margaritaville' kiti hochu anasa in, a biggest fans ìParrotheadsî tia amaho leh amaho kiminvo hochun, Buffett lasah jouse chu anung anajui un anasa khom uvin ahi. Alabama gamvaipo Bob Riley chun,state hin BP apat tourism promotion sum $15 million hi hiche mun a concert dang khat bolna dinga kimang maithei ahi tin asei in ahi.

ìHiche Gulf sunga um state dang jouse hi alung thim u commercials langa alut gam in gamdang miho koma, keiho beach ahoi pen in nompen e tin aseile uvin,keiho gam in jong tuchung ka beach hou ahoina le anopna ho mipi kamu sah dingu ahi' tin Riley chun asei in ahi.chuleh, ìtourist hon gampha le gamnom ineijeh a kholjin nomna aneithei u hi gamvaipo hoding in jong lung nop aum in ahiî tin jong asei be in ahi.

“71-Into the Fire” kiti film tu lha leh American theater a release kibol ding
Emotional response le box office dunga hatah a lolhin na aumtoh kilhon in hiche war movie '71-Into the Fire' kiti hin American fans ho bolchah dingin kigosa in aum in ahi.Chuleh, Kwon Sang Woo film 'T.O.P' kiti le adang film nomtah tah hojong hi Amerian audience ho koma tu lha kichai leh hunglhung ding in akisei in ahi. Director Lee Jae Han in hiche '71-Into the Fire' kiti film hi masanga ka ambitious work ahi tin asei in,chuleh press ho kom achun, 'hiche film chunga hin phatah in special attention kape in chuleh, scene jouse ahin film hoitah leh vetnom umtah khat ahithei na ding in lung lut tah in na katong e' tin asei in ahi.Hiche film production ahin 11.3 won($900,000 USD) alut in,Korean War zeitgeist le tragedy langa kitho ahi jeh in hiche film hin domestic le international seiphat na hatah in amu inahi. Lhadou nisim 16 a premier achun,17-Into the Fire film hin Korea gam bouseh a 2 million ticket milestone ana mu in ahi. International platform a,Hawii International Film Festival a chun, tukum a closing film a ding hiche war epic film hi anaki kap in ahi. Hiche chung chon in 71- Into the Fire film hi United Kingdom Showbox le Germany & Switzerland's Ascot Elite ajong johdoh ahi tan ahi.Chuleh Europe gamsunga jong lolhing tah a release abolthei ding in jong akisei in ahi.

Lotte Entertianment in tunia phondoh na anei dung jui in, 71-Into the Fire film hi Los Angeles,San Francisco, New York,Washington le Philadelphia a Lhamul nisim 30 le theater,AMC le MPARK4 kiti homun a kiso ding ahi tin asei in ahi.Chuleh, itiham khat a hiche film hin box office a abol hoi leh mun dang dang a jong kiso ding ahi tin aseibe in ahi.