Vanghomni in, Bhupathi leh ajinu model Shvetha Jaishankar in Bandra muna family court
achun kikhenna anei lhon in ahi. Amani hin kichenna lam a 'thakhat a lunggel anei lhon lou' lam akon in kikhenna hi anei lhon in ahi.
Ahivang in Shvetha in vang Dangka crore 5 leh crore 10 sunga kikhenna dinga sum amu ding tia kihou lhahna
anei dungjui uvin ada lha tai, tin amateni kinaipi akinaipi nupa khat in aseiye.
Shvetha in aseina achun, Aman kilungset pi anei hohin kalung asukha lheh in chuleh tunai cha a Lara Dutta ajuile le jong chu apang in ahi. Kaki ngailut nalhon chu masang banga ahitah louleh Kum 6 tobang kichenna
kahin neilhon vang in kichen pai nading lampi aumthei thei tapoi ati.
Asei lhon na achun, kumni lang tobang kahung umkhom lhon tapon chuleh seitheilou in kibah louna tampi le kilungset na ema neilou in kahung cheng khom lhon in ahi ati lhon e.
Bhupathi in lungneng tah in angah in, staff leh adang nupa hung pang hon guh in kihouna anei uvin chuleh koima injong autograph akilah hih uvin ahi. A signature chu akikhen lhon nadinga kikoi chu hile akilom in ahi. Bhupathi ajiluinu hi tuhin Mumbai leh Chennai kikah in akhosa tan ahi.
Tunaicha in thip chat a aumna chu sumil in apatna in Mumbai magazine a phondohna anei in, ajipa in ajou boldan chuleh akichen lhon sunga Dutta in ajipa alunggel akai mangdan chu aseidoh in ahi.
Jessica Simpson ex-NFL player khat date bol
Lhamul : Tulai hin akimudan in singer Jessica Simpson hi dating game a hung lut kit hita leh akilom in
ahi. Akisei dan amahi football player dang khat toh aboithet kit e akiti in ahi.
Singer Jessica,masanga Dallas Cowboys star Tony Romo kiti pa kumni lang dating anabol nu hi ahunki nung hei kit in ex-NFL player Eric Johnson(former San Francisco 49er tight end) kiti pa hi tulai hin hatah in niseh in
akimupi in ahi.
'Hiche thu hi adih mong ahi.Chuleh thu tah ahi' tin Simpson to kinai thulhut khat chun PEOPLE thusoh kom a
chun photchen na ananei in ahi.Chuleh thulhut chun,amani hi tukum Lhaphul lha a pat nachu dating ananei
pan lhon ahi tai tin jong asei in ahi.
Alangkhat a,Simpson sopinu loiho khat chun, ìamadinga tomngai tah le phatah chuleh,alungse tah khat akimu jeh in Simpson hi akipah lheh in ahi.Hatah in akipah mongmong in ahi' tin asei in ahi.
Chuleh,Simpson hin hiche keo hilouvin thildang khat jong anabol in ahi. Lhadou nisim 27 nichun pop star nuhin awebsite a, ìmasanga ka system jose kakhel in tun vegan diet,China apat Pu-ert tea le cupping hi Gansem ni apat chun kabol pantan ahiîtweet anabol in ahi.
Singer Simpson,Misem ni nikho a kum 30 lhing nu hin,changa hinkhonom manthei na dinga hatah a nakatoh laitah ahin,chuleh lungset na dihtah kamu dingjong kakinem e tin asei in ahi. 'Kei a ding in kum 30 kalhin
kum hi kumphatah hiding in kagel in ahi' tin jong anasei in chuleh, 'Price of beauty' star nu hin Lhaphul chun, ìlungsetna hi hoilai mun hijong leh kamujou ding ahi.Lunggim nakanei poi' tin anasei in ahi.
Simpson dongma thah neithu hi TMZ.com thusoh ten anatah lang masapen uvin ahi.
Pitt le Jolie achate lhon in hatah a asei a aphut le kicheng lhonding
London, Lhamul : Hollywood superstar Angelina Jolie chun,achate hon hatah a asei uva anolhon leh sot tah ahin chen khom pi aloi le aji Brad Pitt toh hin kichen na neidinga kigosa a um kahi tin asei in ahi.Kum 35 a tah
actress nu,Pitt toh 2005 kum apat ana cheng khom nuhin,khununga Pitt toh akichen nading tohgon le lung
gel hi achate 6 khut chunga akingam e tin asei e tin Sun online thulhut chun asei in ahi.
'Kagel dan in chapang ho koma kanompoi tiding hi hah kasa in chuleh,amahon nommo asah ding u jong katahsan in ahi.Ahin tuchan hin vang ei dong naipouvin ahi.kachate hin thiljou se hi adih tah a bolding adei uvin ahiî tin Jolie chun asei in ahi.Chuleh,Pitt tojong kichen na chungthu hi gelkhom na kanei lhon e tin jong asei in ahi. Jolie hin Pitt kum 46 a tah hi blockbuter movie ì Mr & Mrs Smith' kiti atho a pat ahin kingai pi ahin
chuleh, hiche a pat a hi amani hi anacheng khom lhon ahi.
Amani nupa hin cha 6 aneilhon in-Maddox kum 8 a tah,Pax kum 6 a tah le Zahara kum 5 a tah hi akivah lhon ahin,chuleh Shiloh kum 4 le kum 2 a tah apengkop Knox le Vivienne hi amani cha tah ahiuvin ahi. 'Salt' star nuhin,tu a sanga mi tamjoh a insung lentah semding kadeibe nalai in chuleh, chanei be nahlai dingjong hi kalungge thupi pen khat ahi tin asei in ahi.
Osama chapa in Drew barrymore date bolnom
London, Lhamul 16 (IANS): Omar bin Laden,Al Qaeda lamkai len Osama Bin Laden chapa chun,Hollywood actress Drew Barrymore hi hoika sa in hijeh chun date kabol nom e tin asei in ahi. 'America gam a kache
nom in chuleh,Drew Barrymore toh kaki muto nom in ahi.keihi tua kachang a hinkho mang kahin chuleh,
amahi hollywood a dinga numei hoipen ahi' tin Omar chun asei e tin thesun.co.uk thulhut chun asei in ahi. Omar hin alang khat a Madonna jong a ngaina lheh in,amanuhi lamthem tah khat mi ahi tin asei in chuleh, ìAmakum tobang hinpha dinga lamthem tah numei ahi' tin asei in ahi.
Chuleh, ama hin Jim Carrey film,American football,rock music leh Laurel and Hardy kiti hohi avetnom in adei thei lheh in ahi.
Robbie Williams ‘Take That’ a pangkit ta
British singer Robbie Williams hi a first album record bolding in kum 15 masanga anada lhah Take That kiti band achun anung lut kit tan ahi tin hiche group te chun vanghomni chun phondoh na ananei uvin ahi.
Williams hi lolhing tah British band member 4-Gary Barlow,Howard Donald, Jason Orange le Mark Owen toh Lhalam (Sep) masa chun New York khopi muna athah beh in akigom khom kit taovin ahi.Chuleh, a album thah u hi tukum Phallha (Oct) leh release abolding uvin akisei in ahi.
ìRoom khat hi ka 5 uva umkhom kit ding tihi kana gel jingle kadei ahin hiche hi atah tah in anapot thei pon ahiîtin Owen chun munkhat a anasei in ahi. ìAhin tua atahtah a keiho 5 hi record bolthei ding a kaum uhi kagel le kamang to abang in ahi.Chuleh,Rob toh natoh khom a phat mankhom thei kit ding hi kagel le lopi kasan katha anomlheh in ahi' tin Owen chun aseibe in ahi. Williams chun, 'room khat a ka 5 uva kana umkhom u chun in lang hungkile kana bang in katha ananom lheh in ahiî tin anasei in ahi. Take That te hi 1990s kipat lai chun mihet tahle minche tah band khat anahi uvin chuleh, la jong number one hits tamtah ananei uvin ahi.Ahin, 1995 kum chun solo
career lolhing tah anei masang in williams anahai in ahi.Chuleh, akumkit chun member 4 umna laiho jongchu hiti chun anaki khen thang gam uvin ahi.
Williams hi Europe's most successful entertainer khat ahung hidoh in amahin leiset pumpi a album 57 million tobang anajoh doh in chuleh,amahin artist dangsang in Brit award-Britainís top pop music gong- kiti chu
anaha mu pen in ahi. 2005 kum a Williams solo career hatah a alolhin laichun Williams panglou vin Take
That te chu anaki gomkhom un ahin masang a bangin Britain gam a chun analo lhing jou pouvin ahi.
‘American Idol’ season 10 Nashville mun a umpanta
Nashville,Tenn Lhamul 16: 10th season 'American Idol'chu Nashville mun a bol in aumpan tan ahi.Line saotah in kigol u henlang wannabe contestants ijat asang asang in umhen lang pang jong leh tuchung 'American Idol' hi
ipiham khat vang avat in ahi.
'Idol' hi tukum jatchom tading ahi.Ajeh pipenleh masapen chu ahileh Simon Cowell pangta louding ah' tin
supervising producer Patric Lynn in interview abolna munkhat achun asei in ahi. ìchuleh anina ding in hiche hi
ka 10th season u lhin na show ahin hoitha le thupi tah a bolding lungtup le toh gon kanei uvin ahi.Tukum hi adeh a cotestant hodinga kibol ding ahi.Chuleh thil khat nasei peh i nge,Nashville muna crowd hohi ivet leh lunglhah aumpon ahi.Mi asuhal lheh uvin hijeh chun thanop aum lheh in ahi' tin Lynn chun aseibe in ahi.
Mipi hochu matah in Vanghom ni jingkha langa chun nashville's Bridgestone Arena pamlanga nidan 9.00 apat chun wristband kilah ding in anaki golpan uvin ahi.Lynn chun asei dung jui in,hiche mi kigol le wristband ngah hochu 10,000 valding in anasei in ahi. Tuchung show a Cowell apanthei louna dingchung a hin contestant hon alunggel u chom chom anasei khom uvin ahi.Akim khat in amatoh kitolou ding hi kagel e kalung anom chom in kakipah e tin asei uvin, ahin akim khat ma chun,ama pan hi alangkhat a hatah in aphachom e,athil sei le amidem hohi atamjo adih e tin asei uvin ahi.
Kumasa asang in 'Idol' rating hi alhom tan ahi.Nielsen Co te chun asei uleh amusah dungjui un,tukum Lhaphul a finale chun,24 million valbep viewer in anave in kum masa a sang in 5 million in alhomjo e tin asei uvin ahi.Chuleh alang khat a Cowell apot tahjeh hin producer ho alung gimthim lheh uvin ahi.
