Imphal, Lhaphul 24(NNN) : All Naga Students’ Association, Manipur (ANSAM) makaina noija economic blockade tuleh tua chelha jinghin hasatna tamtah alhutna banah, Manipur gamsung a hi thaotui ( Petrol, Kerosene leh diesel) man sangtah agei tan ahi. Manipur sorkar in thautui hi National Highway 150, Jiribam ( NH-53), chuleh huikhonga (air cargoes) chuleh Indian Air Force (IAF) toh kithoa Manipur ahin lhut uh ahitai tin thuso
anabol uvin ahi.
Hinlah tuchan geiyin thaotui joh namun atamjo agobet nalaiyin ahi. Manipur sunga thatui hahsatna hi nastahin tuhin apha domtai ti Thulhut akimun ahi. Sorkar in Leisemni nisim 24 nichun tua patsa hi thaotui hi transporter tedia kilolitres 24 tobang kipe panding ahitai ti thusona ana nei tauvin ahi. Chukeo hilouva, Tamenglong, Ukhrul leh Senapati districts hoa hi, Agent phasahpi hoapat thautui milham dia kipeding ahi tai tinjong sorkar in thuso mite jaha phondohna ana bol paiyin ahi.
Thautui kihop dan hi sorkar in chingthei tah’a avetsui ding ahi. Thautui po gari ho jouse hi 2nd Manipur Rifles battalion chuleh 2nd Indian Reserve Battallion (IRB) complex, Imphal hopsunga aumsah ahi tai. Sorkar in jong mipite jaha thatui hi chingthei taha amatdiuva thumopna jong ana abolin ahi. ANSAM leh Naga Milhamlom phasahpi hon economic blockade hi District Council kilhenna aum ding adeilou jehuva chelhah pi vanguvin, Manipur sorkarin Council member ding kilhenna hi achelhah pi teitei ding ahi tin jong sorkar thuso a kona thulhut akimun ahi.
Sorkar in thaotui kihom pandi ti, thao joh namun gonalai
