Sericulture natong khat kiman, dangka crore 1 kithum

Posted by Bombiel Media on 10:08 PM in |
Imphal, Lhaphul. 24 (NNN): Manipur sericulture department a natongkhat N. Nabakumar kiti kum 51a
upa N. Mangi chapa Luwang shangbam Imphal West District munna umpachu melhetlou Manipur sunga thingnoimi khatin farm villha a achena ah aman tauvin ahi. Amapa mat ahitoh lhonin dangka crore 1 jong athum uvin ahi.

Hiche thilsoh umtoh kilhonin All Manipur Sericulture Employees’ Association hon toumuna kiphinna
chu anei uvin chule anatohna toh kisai a Minister Pu. L. Jayenta jong aga kimu piuvin ahi. Thilsoh ho
lhundan akihou jou uchun Pu. Jayenta in athuhi vetlhah loi ahidin kitepna aneiyin ahi.

Thulhut kimu dungjui chun Nabakumar hi achesa Lhaphul 20 nikhoa chu agari neo Pulsar MN01-2-5866 akitol a office agajot joua pat hung kilelou ahitai. Ajing nikho 21 a chu sericulture department ho koma dangka
Lakh 50 toh kilhet dia hetsah nah amu u ahi. Ahinla chomkhat jouva atepeh phatchu akikhel phatna dangka crore 1 dinga aman hon akhansah kit pai u ahi.

Alangkhat ah ajipa sosal a aumlou nadin Nabakumar loinu Methoi Devi chun thingnoimi amanho koma ataovin ahi.
Tags:

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home