Bhubaneshwar, Lhaphul 14 : Orissa a thunei vaihom hon numei ho koma adongma hotoh tahsa kitimatna aneilou diuvin gihna anei un ahi. Ajeh chu akingaipiu pasal hon amaho hetlouvin aguh in alupkhom
pet hou lim in aladoh un hichu CD leh internet ho a akijoh jiuvin ahi. Chuleh hitobang case hi tampi matdoh a aum jouva sorkar in numei ho kichih thei dinga hetsahna anei ahi. Numei imacha hepha lou kon khat chun ahin hetdoh teng uleh ama le ama akithat jong tampi um ahitai. Cuttack muna simlai numei khat jong masang jep chun amale ama ana kithat in ahi.
Hiche jeh chun police hon CD kijoh na leh Video parlour ho kholchilna ananei un hitobang jon thanhoina
film tampi amandoh un ahi. Orissa state Women’s commission a chairperson Jyoti Panigrahi in BBC thuso
a aseina a hitobang jon thanhoina hi thil khoh tah ahijeh a gang tah a suhthip angaiye ati. Adeh a numei college simlai ho henga campaign habol angaiyin hiche nadinga chu Non governmental organisations hon pan alah angaiya ati. Aman aseibe na a nule pa tehon achanu hon phate a avetsui angaiye ati. Kamakshanagar a lawyers hon pasal hitobanga chonmo ho matdoh loi ding ngehna in kiphinna ananei un chuleh Anuradha Mohanty in hitobanga chonmo ho gotna phatah pehna dia dan semphat angaiya ati.
Orissa sorkar in numei ho gihna nei
