AI huikong pohkeh ‘Black box’ kimu ta
Mangalore, Lhaphul 25 : Mangaloremuna Air India Express huikong in toset anato asunga tou mi 158 anathi na a ëblack boxí kiti digital flight data recorder chu amudohtauvin ahi. Directorate General of Civil Aviation chuleh local police hon FDR chu mipi vetsahna anei un meikah jeh in avom soh hel e akiti. DGCA official khat in achoi pum in FDR chu imacha ase aumpoi ati.

Hiche “black box” hin iti lam a huikong chun toset ato ham ti hetchenna apeh thei ahi. Ajeh chu pilot pa leh ground staff ho kihouna abonna um soh ding ahi. Hiche black box chu Delhi muna kholchilna mi dinga kipo ding ahitai. Hiche thil kimu banna cockpit voice recorder (CVR) jong pathenni achu ana kimu ahitai. Black box kiti hi CVR leh FDR seina ahi.


Germany Bakery bomb pokeh a ginmo 1 kiman
Mumbai, Lhaphul 25 : Tukum Bulte nisim 13 nia Pune muna German Bakery a bomb pokeh sah a ginmo Indian mujahideen (IM) Abdul Samad Bhatkal chu Mangalore airport ajanhi achu police hon ana mat u ahi. Amapa hin bomb akam a apokeh sah a mi 17 anathi ahi. Hinla Anti-Terrorist Squad (ATS) leh home ministry in vang imacha thu aseipoi.

Samad (23) hi Bhatkal town Karnataka north Kanara district muna cheng ahi. Chuleh IM founders Riyaz Bhatkal leh Iqbal Bhatkal toh kivop hitei dinga kisei ahi. Dubai huikonga konna Bajpa International airport a alhung lhun thuguh ahet phat uva Maharashtra ATS hohin ana mat u ahi. Tuhin Samad hi Bajpe police station a aum in Mumbai khopi a kipui ding ahi. Thil tampi lah a Pune a German Bakery a bomb apokeh sah a mi 17 athi chu gimnei tah ahi. Hiche a thiho lah a foreigners mi phabep jong anathi in ahi.

Indian army in INSAS rifles ho khel ding nom
New Delhi, Lhaphul 25 : Indian army in tupet a thal achoi India in asem INSAS series rifles hohi khel a sepai ho manchah pha peh din lunggel anei un ahi. Hiche jeh ahi rifles, carbines leh light machine guns ho gangtah asemdoh angaiye. Hiche hi Defence Ministry in Technology perpective and capability Roadmap document thulhut chun aseiyin ahi.

INSAS rifles hi Defence Research and Development Organisation (DRDO) in design abol ahin armed forces ho hin 1990s phat laiya chu ana man pat ahitai. Hiche thal hi Kargil War leh counter-insurgency operations a manchah glacier mun hoa ana kimang cha theilou ahi. Hinla hichu phat chomkhat jouvin asem hon asemphat phat un hiche boina hi aum tapoi.