Mount Ararat hi Turkey sahsolam a um, Iran leh Armenia (Soviet Union noia ana um) toh gamgi kinaicha a um ahi. Amun hi meithal sumkolvei miholehmiphalou tamna mun khat hiin jong ahi aki hei.
Archaeologist Dr. Bill Shea in malai leibel keh ahal khat, kong a kon feet 60 hopsunga amudoh in, chuleh chuche leibel hal polam a vacha, nga
chuleh pasal khetbut kichoi lim aumin, amin jong ‘Noah’ tin akisun in ahi. Khanglui lai a chutobang leibel milim a kijem chu amuna um khomihon ana sem jiuvin chuleh chuche
kong (ark) ve dinga hung kholjinho koma ana joh jiu ahi tin explorer hon chun asei un ahi. Hiche kong hi masang lai leh tu chana tourist attraction khat hia ahi.
Aban banin scientist hon atahsannau geological evidence dungjuiin, leiset a phulou helouvin twisanglen nasa
tah ana um e tin asei un ahi. Hiche thu toh kilhonin, zoology hetna leh tulai kong kisem dan hetna dungjuia
Noah kong thusim hi kitoh nam ti mipin athah beh in Bible sim nomna lungthim ahin anei un ahi.
Noah kong chu ichan a len ham?
Hebrew scholar atamjon cubit (tong) hi inch 18 tobang (45.72 centimeters) hi dingin atahsan un, chuleh hiche dungjuiin Noah kong chu feet 450 a sao, avai feet 75 chuleh feet 45 beh a sang dia tahsan ahi. 19th century
kichai ding kon masang se aNoah kong chu twikong len pen a kisei ahi. Adung avai ratio chu 6-1 ahin, twikhaglen a tolna dia kitoh chet/ detchet chu ahi tin jong akisei e.
Noah kong chun ganhingho adol khop nam?
Noah kong lhong (floor) letdan hi square feet 100,000 hi dia tahsan ahi. Hiche tetkahna din, standard-sized basketball courts 20 sanga tamjo/lenjo tina ahi. Cubit khat hi inch 18 (45.72 centimeters) cheh in kisim taleh, total cubic volume a chu cubic feet 1,518,000 cubic feet (462,686.4 cubic meters)hi ding tina ahi. American taxonomist Ernest Mayr sei dungjuiin, leiset a ganhing species million khat tobang aumin ahi. Ahin, gansa atamjo hi twi sunga hing thei ahi jeh un ganhing abonchauva Noah kong a chu tollut ana ngai khel lou ding ahi. Hijeh hin, Noah kong chu twikhanglen ganhing (speciesof fish) lakh ijat ham khat umho din ngaichat anahi ponte, ajeh chu Pathen inNoah kong chu mihemho leh huia hing ganhing/gamsahobou huhdohna dinga ana gonpeh ahi ti hi Ernest Mayr geldan ahi.
Kong a poh ding ganhing ijat ana ngaicha dem?
Doctors Morris leh Whitcomb in ‘The Genesis Flood’ kiti ajih lhona chun, ganhing jat 35,000 val kong a dia ngaichat hi dingin asei lhonin ahi. Alangkhata, ‘Noah’s Ark: A Feasibility Study’, kiti kholchilna lekhabu John Woodmorappe in asut dungjuiin, ganhing Noah kong a pohna dia ngaichatho chu gelsanga lhomjo din asei kit e. ‘Specie’ kiti thucheng toh Bible Genesis a kisei ‘Pathen thilsemho’ hi akibang poi tia asei toh kilhonin, Woodmorappe chun Noah kong a poh ngaicha ganhingho chu 2,000 sanga lhomjo nalai ding ahi, ati. A kholchilna dungjuia aseibe dungjuiin, Noah kong chun ganhing 16,000 bailam tah a adol ding ahi, ati.
Ganhingho chu iti ana ki hoilut dem?
ganhing ajat lhing kong a kihoilut chu ana hahsa lheh ding tahsan ahi. Ahin, Genesis a kimu dungjuiin, Pathen
in saho chu ahoikhoma chuleh Noah konga nini cheh a apuilut/athahlut peh ahi tin akisun e.
Noah leh ainsungmihon saho chu ana vesui jou na dem?
Kong aki tol pat pat a Noah puma mi 8 bou in saho nikho 371 sung avah ding danu chu mi tampin hetthem hah asauvin ahi. Ahin, scientist phabappiín ganchaho chu sot tah khanglouva imu thei (dormancy) ahinau atahlang un ahi. Ganhing abonchau tithei khop hi ganhing phalbi lai a kicholdona phat (hibernation) aneiho banga um theiu ahi akiti e.
