London, Lhaphul 18 : Briton mi 9.7 million pound lottery ana mu pa’ chuleh hiche a sum amujouse drug, numei le nopsah na party hoa ana mang chai kei pahi tun athah beh in nenloh a anapan na natoh chu ajop kit tan ahi. Mikey Carroll hin, kum 8 masanga anatoh kal khat a 200 pound toh man kipe natoh na a chun athah beh in panthei nadingin apply abol in ahi. Hiche anatoh na hi lottery 9.7 million an mu achu ana da lhah ahi.
‘Hiche hi nommo jong kasahih in chuleh kajah jong achapoi. Hiche nen loh a pan a natoh nahi toh pan teiding bou hi kalunggel ahi’ tin carroll chun asei e tin the sun thulhut chun asei in ahi. Kum 26 a tah Carroll hin avang
phat housat nachu, numei kijoh, drug party, ju, juar le gari mantam tah tah ho choh nan anasu mang in
ahi. Chuleh kilet sah tah in nikhat le numei kijoh 4 lang tobang toh kalum jie tin asei in ahi. ‘Masang a hinkho nomtah a kana man ho tobang hin vang kahinkho mangthei taponge. Ahin tua kadin mun hi nom kasan kakipah pen e’ tin Aman aseibe in ahi.
Kum 8 hinkho nom tah a amanjou a nenloh a thah pankit
