Naxals hon Dantewada koma bus pokeh sah, mi 50 thi
Chhattisgarh state Chingawaran muna Dantewada-Sukma lampi a civilian bus khat Naxalites hon bomb a apokeh sah jeh un mi 50 tobang athi in ahi. Hiche pet a chu special police officers (SPOs) 15 panna in mi 50 bus a chu tou ahi tin thulhut chun aseiye. Hinla Ministry of Home Affairs spokesman in aseina a bus a chun Central Reserve Police Force (CRPF) koima atou poi ati. Masang jep a thulhut kimu dung juiyin lampi a bomb thang kikam na achun mi 30 athi ati. Ahin Special DG V.Raman in aseina a mi 50 tobang thi teiding ahi ati.

Naxal ho umna muna hin thusoh lah ahahsan ahi. Gammang lah ahin chuban a kho ajin teng lampi a bomb kikam tampi aum ding ginchat ahijeh in hahsatna akibe lap cheh in ahi. Bus a tou security personal ho doina a bomb kipo kehsah hidin tahsan aume. Ajeh chu SPOs ho chu local mi ahiuvin Maoists ho dou dinga kila ahiuve hijeh achu Maoists ho dinga kichat umpen ahiuve. Dantewada ahin masang jong chun Naxal ho ambush na jeh in security force nei 76 anathi in ahi. Delhi muna Ministry of Home Affairs in meeting aneijin hitobanga kibulu na chu demna aneiyin chuleh athi atamjo chu milham ngen ahi ati.

N-capable Agni-II lolhingtah a patepna a kapdohna umta
Nuclear-capable Agni-II intermediate range ballistic missile, 2000 km sao a lengthei chu Sempatni in Orissa Coast a Wheelers Island muna chun lolhingtah in patepna a kapdohna chu aumtai.

Gamsung thil monga kisem Agni-II missile hi dan nia apohkeh thei meilou aha kithung ballistic missile chu
ahi. Asao dan hi metres 21, alet dan metre 1 chuleh akikapna agih dan 17 tonnes ahi.

Agni-II hin 2000 kms chan in tonne khat tobang thilgih apo jou in ahi. Epi hitajongle, thil gih apoh jat hi aki kheh nemsah a ahileh hiche sanga leng hat jo nalai thei ahi. Hiche Missile hi SSC khut a pehlut ahitan chuleh amahon hiche missile hi vettupna anei dingu ahitai.

Agni-II hi Bharat Dynamics Limited, Hyderabad in System laboratory leh adang DRDO laboratory hotoh kitho khom a ahin semdoh u ahi.

Private Industry hon hitobang thil pohdoh nading in nasatah in pan ala uvin ahi, tin thulhut khat chun aseiye.
Agni-II missile hi Agni series lah a khat chu ahin, hiche achun Agni-I 700 km a lengthei leh Agni-III 3,500
km a lengthei teni jong apang in ahi.

J&K Kupwara thinglhang a manchah themkhat kimudoh
Srinagar : Security Forces hon Sempat nia thingnoimi ho kiselna Kupwara district a thinglhang munlah kholchilna anei nao achun thal le achang kapthei chuleh grenades 100 leh rifles 303 amudoh uvin ahi.

Security Forces hon Afroda thinglhang, district sunga achesa kal khat apat chelhajing cordon operation
abol sung uva thingnoimi hon asel u manchah kimudoh chu ahi tin, Defence thuphong pain aseiye.

Ak rifles 10, 160 MM mortars, rocket projectile gun 1, grenades 100 chuleh meichang kapthei 1000 hohi aselnao akon a kimudoh chu ahi. Hiche mun lah a achesa kal khat lang achun security Forces hon thingnoimi
hotoh akikapto nao achun mi 11 ana kaplih uvin ahi.

Army hon Arjun tanks 124 thumbena neita
New Delhi, Lhaphul 17: Army hon DRDO programme a kum 30 masanga anangai chat jingu 124 “Arjunímain battle tank abelap ding chu athahbeh in tunin thumna aneitaove. Tukum kipat lam a Russian-
made T-90 tanks toh Rajasthan desert muna vetkahna aumjou a Arjun hi ahoijoi tia thulhut kimu jou
akon hungsoh chu ahi.” Army hohin gam muna  kisem 124 Main Battles Tank Arjun belap ding thumna
athahbeh a neiding tin gel lhahna anei taovin chuleh hiche hi 124 tanks tua kal vala athum u chu ahi. Khantouna hin gamsunga kisem MBT Arjun tunai cha a vetkahna a lolhinna ahin musahchu ahi,” tin Defence Ministry thuphong pain aseiye. 124 MBTs abelap ding hin Army ho, gamsunga kisem tanks ho adinga  regiment 2 lahbe nadinga akithopi ding ahitai.
--------------------------------------------------------------------------------------------------------------
International
Afghanistan a pro-peace Muslim houlam kai khat kithat
Kabul (Afghanistan), Lhaphul 17 : Muslim hou lamkai poimo tah cham na dinga natong khat mi chu solam Afghanistan a a-in sung mi 2 toh akithat in ahi. Kunar gamkai khat a police chief Gen Khalilullah Zaiyie in tunin houlamkai Rahman Gul, asopipa le ain ko pa chu janhi in Chapa Dara district mun a in lang jon a ahung nauva chun melhet lou hon anathat un ahi tin thulhut chun asei e.

Tu laitah hin Afghanistan mun jouse a Gul hin ‘peace  le stability’ poimo dan thu hi hatah in aseiphong le in
ahi. Gul hi chief houlamkai ahin chuleh ama hi Clerical council solam Afghanistan a jong hin member khat
jong ahin ahi.

Chuleh janhi chun NATO coalition mi 2 American service member khat pan nan lhang lam (south) Afghanistan achun ana kithat kit in ahi tin allied coalition chun thulhut khat aneiyin ahi.

Forbes Most Wanted Fugitive list a Dawood Ibrahim a 3 na a pang
Washington : Dawwod Ibrahim India dinga “most wanted man” Chujong leh 1993 Mumbai a bomb kipoh keh sah ho gongtoh le a pang dinga hatah a ginmo um pa hi Forbes Most Wanted Fugitive list achun a thum (3) chan na in apang in,Osama bin Laden anina in apang e tin thulhut akimu e.

Leiset chunga migilou danval a chat asang pen ho hi khat cha jong 2008 Lhatun a list ahung kibol jou apat hin thutah in athu u tan ahi naipou vin ahi. Bin Laden, Pakistan tribal area dunga kisel ding a ginchat um pahi
leiset thusim a ding in ahol doh hahpen in aum doh tan ahi. Amahi kum 8 lang ahung kisel doh tan ahi.

Somali parliament kibulu mi 26 thi
Mogadishu : Islamic galguh bol thingnoi mihon tukum a dinga parliament toukhom na masapen Somali
capital mun a abol nau mun in chu abulu un ahi. Hiche atoukhom nau mun dung ho chu mortar ho mangchan akap un, hichemun a chun milham 26 lang ahinkho anabei in ahi tin medical official khat in asein in ahi.

Hiche kibulu na achun gam vaipo ho khat cha akitong khapon chuleh athi jong aumpoi tin police ho spokesman Abdullahi Hassan Barise chun asei in ahi. Parliament session masa kihou najong chu Ollha
(Dec.) chan geiya dinga ana kivo chon tan ahi. Ajeh chu al-Shabad, al-Qaida ho tosot galguh bol honkhat
lawless Horn Africa gam a umhon gih na avel a anei jeh uvin gamvai po ho ijat hamkhat in hitia thilsoh aum
jeh in 550-member parliament  Mogadishu mun a um chu adalha uvin akom a um gam dunga chun ajam lut un
ahi.
Galguh bol thingnoi miho hin achesa kum 5 sunga hin gamvaipo lamkai ho hi lhum lam gam in atosot Somali
gamvaipo president Sheik Sharif Sheik Ahmed a tosot jeh uvin mi 9 anathat tauvin ahi. Gamvai poho hin venbitna anape jou pouvin ahi. Ajeh chu amaho hin Mogadishu mun them khat bou a thunei na anei un ahi.

Somali hin parliament phatah ahilouleh gamvaipo hoi tah hiu kum19 sungin ana nei doh thei pouvin ahi.  Sottah dictator a vai anapo Mohamed Siad Barre 1991 a anadal doh jou uva kipat hin tua government
force in African Union troop ho kithopi nanoi in galguh bol ho chu mortar mangchan anale thuh uvin ahi.

Akitongkha Thai general athi toh lhon in boina kipankit
Bangkok, Lhaphul 17 : Thailand general anti government protestor ho kithopi pachu Sempatni chun melhetlou sniper khat in anakap in akitoh khah najeh chun ni 5 jou vin ana thi tan ahi. Hiche thilsoh jeh
in boina athah beh a hungsot doh kit ahi. Ajeh chu ni 5 sung tobang Bangkok a ana kiboi sung uvin mi 36
ana thi in chuleh mi tamtah ana kitong kha in ahi. Maj. Gen. Khattiya Sawasdiphol army officer pa hi thal a akikap khah jeh in Vajira hospital a chun ana mollem tai tin hiche hospital akon in thulhut akimu in ahi.

Amahi downtown Bangkok a protest zone sunga journalist khat toh akihou lim pet a melhet lou sniper pa chun aluchang ana kap peh ahi. Khattiya hi kibulu najeh in central Bangkok mun a hin anti-government protestor
holeh army ho kikah ahin hatah in boina ana um in ahi.

Iraq a al-Qaeda in lamkai thah lheng
Baghdad, Lhaphul 16 : Iraq a Sunni Islamkist thingnoimi ho lamkai thah chu Al Qaeda in alheng doh in ahi tin Islamist forums achun akiseiyin ahi. “Emir” thah dingin Abu Bakr al-Baghdadi al-Hussieni al-Qureshi ahiye. Hiche hi lha khat masanga Sunni Islamist lamkai Sheikh Abu Omar al-Baghdadi chu US-Iraq military operation a anathi jeh a lamkai thah hi kilheng ahi.

Chuban in “War minister” thah dingin al-Nasser Lideen-Illah Abu Suleiman chu Al Qaeda hon alhengdoh
un ahi. Achesa kal sung chun Al Qaeda lamkai phabep akitha jeh in alethuh na in Al Qaeda hon mi tampi
ana that kit un ahi