Shillong, Lhaphul : Garo Hills Autonomous District Council (GHADC) a opposition lamkai Besterfield
N Sangma in tuni chun Tura a NCP in Executive Committee thah semdohding anoplou jeh in Governor Ranjit Shekhar Mooshahary ana kimupi in ahi. Thuso miho koma Besterfield in Garo Hills United Alliance (GHUA)
thalhenga aseina a state Governor in avetsui nadin angeh in ahi. Aman aseina a NCP in MDC mi 17 ho
Governor msanga akimu sah in GHADC a Executive Committee thah semdoh ding kiti chu adih thei poi
ati.
Aman aseibe na a MDC mi 2 Lalthantlunga D Shira lehn Fozibar Rahman anilhona GHUA member in NCP
makaina a Garo Hills Progressive Alliance (GHPA) ajop lhon tai kiti chu jou thu ahibouve tin Governor
ahetsah in ahi. NCP workers hon lhaphul 7 nia chu Shira leh Rahman chu hunam a amat uva Governor pa koma apulut u ahi ati. Shira chu hunam a kiman ahilou leh ibol a tuchan ahi a insung mite to jong kimuto
sah louva NCP hon asel u ham tin thudoh aneiyin ahi.
Shira in GHUA members ho SMS athotna a Shri Larson N Sangma, Boldangre MDC leh Shri Lahitson
M Sangma, Samanda MDC in vah le hiute ati lhona PA Sangma koma hunam a eipui lut lhon ahi ati'. Hiche phat achu kot akam khum u ahitai. Shira in SMS ahin thot kitna a keima PA Sangma in na ka ume, nei hung huh doh un ati. Besterfield in aseina a Shira chu acham a pot doh hileh a insung mite thu apeh tei ding chuleh achapa in jong police a FIR abol lou ding ahi ati.
Alang khatna Rahman chu non-tribal ahijeh in NCP najop lou leh office nakai thei lou ding chuleh Tura jong achot lut thei lou ding ahi tia gihna anei u ahi tin Besterfield in Governor ahetsah e. GHUA in aseina a tua MDC teni hi atahsa lhon NCP koma um jong leh alungthim lhon congress ahijing lhon e ati.
GHADC thua Besterfield in Governor kimupi
