Shekhawat dinmun tuni jinglam in akhoh cheh jeh in ventilator a akikoi tai, tin Hospital a doctor adang khat,
Ashok Pangaria in aseiye. Former Vice-President pahin chop leh op natna
anei jeh lhaphul nisim 13 nia SMS
Hospital muna ICU a pohlut ana hitai. Shekhawat hin chop natna anei ahin, ahilah lungthim natna in ahin phah jeh athi ahin, tin Dr Pangaria in aseiye.
Amahi Ellha nisim 23, kum 1923 a Sikar district hopsung Khachariyawas kiti kho neocha a anapeng in Lhajing nisim 19, kum 2002 in gamsunga 12th channa Vice President adingin kitepna ananei in ahi. Shekhawat hi
Rajasthan Assembly member lah a Assembly election jouse a kum 1952 apat hung kaidoh jing khat chu ahin,
Jaipur mun Gandhi Nagar a kum 1972 bou in chun ana kaidoh joupon ahi.
Madhya Pradesh a kum 1974 in Rajya Sabha member adin ana kaidoh in ahi. Shekhawat hin congress
government hilou thum state a kum 1977-1980, 1990- 1992 chuleh 1993-1998 a ana lamkai chu nom anasa
lheh in ahi.
Ama in in desert state a Chief Minister anahi sung chun, a government in thilgon anei jouse u boldoh
jouna anei e tin hetjingin aum in ahi.
Ama in, Antyodaya Scheme mivaichai ho kilhopina dinga anasem doh hin leiset chunga miho het a
ahung umdoh ahisah in chuleh World Bank chief Robert McNamara in Shekhawat hi Rockfeller of India
tin ana sei in ahi.
