Imphal, Lhaphul 25 (NNN): Manipur a Naga frontal organisation hon District Councils election a kiphin nanei jong leh state government in first phase poll Chandel, Churachandpur leh Sadar Hills district ah Vahchanni a dinga kigonna anei tai. United Naga Council (UNC) makaina a Naga frontal organisation hon (Manipur Hill Areas) District Councils’ Act of 2008 noiya election um ding hi hatah a ana pom lou u ahi. Naga bodies hon angeh u chu ahileh poll bol masang in Act chu athah beh in sem phakit un atiu ahi.
Hiche kah lah achun state government in security phatah in polling ache lhah thei nadin agongtoh tan ahi. District Council constituencies tamtah adeh a Naga thunei nalah a candidate atamjo chu kitetpi bei in akai uvin ahi ajeh chu nomination form a fill-up lou jeh u ahi. Hiche, district cheh a hin 24 seats aum in ahi. Geldoh thei ding khat chu kitetpi bei a kai hohi Congress party akon bou ahi jeh in Congress party in chungnung na anei din akilang e.
Disrtict avat nalai cheng tichu, Tamenglong, Senapati leh Ukhrul hi second phase a dinga Lhadou nisim 2 teng leh poll um bep ding ahi.
District Council poll chelha ta ding
