London, Lhaphul 18 : Cameron Diaz in kilungset nalam a boina neijongle phat kichai kon tengle kichen na neiding tin tohgon aneijin ahi ajeh chu ama in kichen na a ngaichat valla thil bolding hi katahsan poi tin aseiye. ‘Hou dan toh kitoh a chuleh kilungset neitah a kicheng ding tihi kei a ahipoi. Ngaichat kal val a thil khat bolding tin jjong kaki gel poi tohgon phatah a neichu kahi poi’, tia asei contactmusic.com akon thulhut kimu chu ahi. ìBus in kikhopna dingmun ajot masang chuleh ahung ding um nalai jem tia dohna dinga ken minutes 20 tobang phone call kabol ding ahi. Hitobanga chu kakichenna kichai ding ahi’, tin aseibe kit e. Kum 37 a upa, baseball star Alex “A-Rod” Rodriguez toh kilungset nuhin aseina achun, tuchan in tohgon lentah masang adin kanei naipon, hivangin etobang pasal chu kavet ham tijong kahe naipo ati. ‘Kilungset nahi kadei in chuleh kipeh thengna neiding jong kakicha poi kabol najousea kakiphal theng in chuleh apanna umlou in kitahna kaneiyin ahi. Ahivangin khunung adinga lunggel neiding tihi kadei pon ahinlah hetmanlou kah in Kanagel jie. Tu kal sunga epi bolding ham tijong lunggel kanei theipoi’ tin Diaz in aseiye.
