Imphal, Lhaphul 27: Vanghomni chun Manipur sunga themjil chapang polea pang School students transporter kiti lomhon Lhaphul nisim 27 nia patsa anatoh ho banjop ding tia ana seiphong uchu alelah tauvin ahi. Hiche lom in angeh pen chu ahileh Manipur sorkarin thautui (petrol leh diesel) phatecha ahop doh masangsea anatoh ho ache lhahpi theilou diu ahi tin thuso mite hengah thuphon ana neiuvin ahi.
Hiche thuhi All Manipur School Students Transporter Association (AMSSTA) lom hon tunia Khongman
Mangjil muna kihoulim khomna ana bol nauva ana kilolna khat u ahi. Sorkar in thautui ahiding dol ahopdoh
masangsea AMSSTA noia lom kiloi khomhon tunia akilolnau hi anitdiu ahi tin jong lom lamkai hon phondohna ana nei uvin ahi. AMSSTA lubuh Pu Lolit kumar in thulhut ana neina ah, "Manipur sorkarin School transporter hohi niseh'a thautui 12 KL pehding tia atep vangin, tuni chanin 6 KL bou chanvou khat'a apeh bep'u ahi ati.
Vanghomnia sorkar'in School transporterte dinga thautui hopna kin anabol pantan ahi. M/s Khrisnapremi (KPO city) petrol pump muna jingvai nidan 6:00 c.m akipatsa nidan 2:30 c.n. kaha school transporter hodia thautui ana khimom doh pan ahi. Hinlah aphattep achom val jehin School Van 585 tobang bouvin thautui ana kithal man uh ahi. Chujong leh School Van khatna dia thautui 6 KL bou ana peh u ahi.
AMSSTA kiloikhom hon simlai chapang thahkit talou ding ti
