Epi atile Sokar in agam mipi deisah na apomlou ahidem?: LCSU
LAMKA, March 15: Lamka College a Principal Dr. TK Muana achesa Feb. 28, 2010 a a pension ahi nung a sorkar in Lamka College
Principal dia a gon M. Lokendro Singh in tuni’n Lamka ahung pha in ahi. Lamka College Students’ Union in sorkar Principal
kigon na chungchang a thulhuhna a deilou jeh uva college a kha jeh un M. Lokendro Singh in DC/CCpur ah report akibol in,
chule Lamka College Students’ Union toh jong akimu in ahi.
Alangkhat ah, Lamka College Students’ Union (LCSU) in press release mangcha in tuni’n thil umdan ahil chen un ahi.
Thusoh in aseina ah chun, Dr. TK Muana pension ahiding ahet het un LCSU in Principal in-Charge ladin ‘seniormost lecturer’
jong hi, Vice Principal Prof. Thouyam Haokip Principal thah dia sorkar in agondin February lha chun ngehna nivei ana nei un,
Teachers Council in jong ngehna ana sem un ahi. March 11, 2010 a sorkar in order ahin sona achun, a umna college a senior-pente
ngeh mi 11 Principal in-Charge ding in ana gong in, hinlah, Lamka College ah vang “michom leh district polam mi” ana gong khatan ahi.
Lamka College hi noise le chombolna neitah in, khohsah na ema sorkar in ana neipou vin, a cader sung a seniormost jong hidehlou,
“mi lailah khat” ahin gon u ahi tia ngohna sempum in, hitobang thulhuhna apat Lamka College leh Churachandpur district banah “elected
member-te” noisena akilang e tin jong aseibe un ahi. chuleh, “a college-a seniormost pen agon hih u jongle epi dinga cadre kibahpi sungbeh a a
a seniormost pen beh agonlou u ahidem? Epijeh a agammi deisahna le ngehna ajuilou u ahidem?” tinjong dohna asembe nalai un ahi.
Hitobng dinmun ahin, sorkar in Principal dia Lamka College a seniormost lecturer Prof. Thouyam Haokip agon kahsea lungkim theilou
ding ahidan ule M. Lokendro Singh in jong “nomtah a natong jom dehlou ding” ahidan jong atahlang un ahi. chuleh, a kin theipen a “thil
dihlou bolhoi gangchal ” nadia sorkar henga a ngehna a asem u a lolhin kahsea Kiphinna abol u ngalou ding ahidan u thuso achun aseibe un ahi.
