Pathen nichun UNC hin sorkar komía ultimatum kipe eidonbutna diuphat Lhamul nisim 31 nia akichai phatna hi ni 20 economic blockade kaboldiu ahi tia phondohna aneiju ahi. Janhi chun UNC hin 'Lhamul nisim 1, 2010 a Naga Peoples' Convention (NPC) a chu Manipur sorkar tohin kijopmatna jouse akipai lhatan India sorkar hi hung kikum henlang Manipur state a Naga te dinghin thildangkhat eingaitopeh uhen tia ultimatum kipe ahi'.
India sorkar komía UNC in angeh hi thil 4 aumme: Khatna chu Lhaphul nisim 6, 2010 nia Mao gate a Manipur security forces hon simlai chapang 2kikaplih leh chamdelía kijot ho mi 100 val akisuhkhah thu kholchil dinga Judicial Enquiry phudoh ding. Nina chu 144 CrPC gangtah a lahdoh ding chuleh Naga te chenna lah a IRB holeh Manipur police commando ho lahdoh ding. Thumna chu Naga lamkai 2 chunga suhkhelna nei ahi lhon in matdinga kihol ahi atiuchu alahdohdiu. Lina chu ahile Autonomous District Council hi suhmangding tiho chengchu ahi.
UNC hin ni 20 blockade kibol sunga hi mipin kithopina apeh diuvin ngehna aneijun ahi. UNC hin Lhamul nisim 27 nia ni 5 sunga ahin donbut diuva Prime Minister komía kipe ultimatum chu donbutna aumlou phatna blockade hi kikouva ahi, tin aseije.
NH-39 manthei dinga kihong dohta
Imphal, Lhajing 1: Maram bazaar velía munchim jeh a NH-39 nikho phabep manthei louva umchu Public Works Department hon phat chomkhat sunga manding lampi asemjeh uvin gari alhaipan kittai. Maram bazaar a Lhamul nisim 28 jan a munchim jeh a chu NH-39 feet 200 tobanghi lhanem'a gari chethei lou ahi. Ahinlah PWD engineers hon aphatcha pan alahjeh un NH-39 hi akihong kittai. PWD department hin natong mi tamtah leh machine amanchah uva munchim suhtheng naleh phat chomkhatna mandinga lampi asemdoh u ahi. State works minister K. Ranjit, chief engineer chuleh saplen adang hohin Maram bazaar kom'a lampi kihongdoh chu Pathen nichun agaveuvin ahi. Thuso miho kom'a ahoulimna ah K. Ranjit hin munchim thu ajahphat uhin PWD engineer hohin NH-39 munchimna muntah a chu natoh kipan ngal'u ahi. NH-39 hi akihong dohtan ahinlah lampi semhoina dinghin nikho phabep lutnalai jinte tin aseije.
K. Ranjit hin Ministry of Road Transport and Highways hin Maram a pat Moreh chan NH-39 semphatna dinghin dangka 65 crore eipeuvin, "next working session" sunga hi natoh kichai ding ahi ati e. State sorkar hin NH-53 semphatna dingin mopohna aneije ti aseina a chun K. Ranjit hin Central sorkar hin NH-53 semhoina dinghi BRO/BRTF ho khutna konnin PWD pehdohnom hihjong leh NH-53 semphatna dinga hi state sorkar hin department danga sum hohi kimanga kisemthou thouding ahi, tin aseije.
K. Ranjit in aseibe na achun state sorkar hin national highway teni hi asemphat nom'in ahi, BRO/BRTF hohin NH-53 hi kumsot tah semhoi louvin akoijin ahi.
Tua NH-53 boinahi apotdoh leh ahunglut thilpo gari tamtah nikho tampi atanden ukhu ahi. Kumkit Lhakao masangin NH-53 hi ichangei hamkhat kisemhoi tante tin aseije. K. Ranjit jonghin Pathen nichun Senapati Mini Secretariat Complex, Kangpokpi ADC Complex, Khuman Lampak a Inter State
Bus Terminus leh M-Sector a lamlen kisemdan agavelha in ahi.
Red Shield Division hon Zu Litre 570 mandoh
Imphal, Lhajing 01 : Tuni jingkah matah chun Moirang kom'a um Terakhongsangbi mun'a Red Shield Division in gari check abolnauva semthu ju (country made liquor) litre 570 gari neo 2 akon'in amandoh uvin ahi. Thudoh anei nauva amaho hin Terakhongsangbi akon'a ju hochu Churachandpur a johson ding'a apoh jiu ahi akiti. Army hon hiche ju hochu Meira Paibi ho khut a apeh utoh kilhoníin khomi ho masangíin asung lhauvin ahi. Meira Paibi hon 16 MARATHA Light Infantry ho chunga kipa
thu aphon nabanía hitobangía kibol hin khangthah hon thilphalou bolna ah pan langam tapouvinte tin thuphon anei uvin ahi.
NH- 39 lamlen juilou dinga TDC hon thuphon neikit
Imphal, Lhajing 1: Manipur a Transporters' and Drivers' Councils (TDC) lom hon National Highway 39 jotlou ding tia ana kilol nauchu tunichan in adinpi nalaiuve ti thulhut akimun ahi. Hiche thutoh kisaiya chu TDC Vice President Pu Th. Ibohal in Patheni nisim 1 nia chu TDC office MG Avenue mun a press conference abol nauva aseiphong ahi.
National Highway 39 thua hi nimasa nikho a chu Central Team leh TDC lamkai lhon Chief Minister Pu inn a kihoulimna ana nei u ahi.
TDC thuso seidung juiya chu tumasanga thilngehna anabol ho jouse chu sorkarin abulhit pih tokah'a NH 39 hi TDC noiya member jousen ajotlou diu ahi akiti. Lhamulnisim 31 nia Central Team holeh TDC lamkai ho kihoulim nachu alolhing lou tiding ahi maitai. Central Team invang aganna theichanna NH-39 hi Transpoter hon ajot diu adei ahi. Hinlah, sorkarin security (fool proof convoy), compensation chuleh Driver hodia TDC in angeh ho sorkar in amolso masang seía hi, mipiten TDC themmona le taimona aneilou ding injong ngehna abol pai paiyin ahi. Chuleh sorkar in NH - 53 asephoi masang se'in NH- 39 hi ajot mong monglou ding ahi anaitin ahi. Pu Th.Ibohal in TDC in jong Lhamul nisim 30 nia NH-53 a driver thina anatoh hojong phamo asah nathu jong thuso mite heng ah aphongdoh pai paiyin ahi.
Nikho 15 sung DIPR kingon lolhing tah a kichai.
Imphal, Lhajing 1: Lhamul 17 nikho a kipatsa ana kipan 15 days programme on news reporting ti thugol noiya tohgon DIPR hon Press Club hall muna anei uchu lolhing tah in akichai tan ahi. Hiche
toh-gon noiya hi mi 24 in minkhumna abol ahi. Hivahin news reporter a pang chule news reader a pang-jong ajao uvin ahi. Gahhet dinga chu hiche tohgon noiya hi Gosem News a patsa mi 1 jaonah a thinglhangmi mi 2 jong jilthei dinga um ahi.
Lhamul 31 nikhoa chu DIPR a director pa toh houlim najong aneiuva chule certificate pehdoh najong
anei paiyu ahi
AR hon foreigner mi 3 man
Imphal, Lhajing 1: Manipur gam sung'a foreigner phalna umlouva ahung lut uve ti ahet phat uvin HQ IGAR (S) noiya 31 Assam Rifles a 26 Sector hon Khudengthabi mun ah achesa Lhamul 30 chun mobile check anabol nauva chun nilhah nidan 6:00 vel chun gari khat a Myanmar mi 3 phalna lekha neilou aman doh un ahi. Amaho chu Mr Lairopiang (42), S/o Mr.Thantuama, Mrs Chonghlupui (52), w/o Mr Lairopiang leh Mr Vanlalnunzira (12) , s/o Mr Lairopiang ahiuvin ahi. Amaho hi Pingkhung, Dist, Kalemyo, Myanmar a cheng ahiuvin Moreh Police station ho khut a pehdoh ahitauvin ahi.Alangkhat ah, HQ IGAR(South) 21 Assam Rifles a 9 Sector hon achesa Lhamul 31 nikho chun Eureka Public School, Thongjam, Thoubal Dist ah simlai ho career ding chung chang ah career counseling programme ana bol uvin ahi. Hiche nikho chun Indian Army Officer jaothei nadin lecture cum presentation jong anei uvin ahi. Career counselling achun simlai 275 tobang apang uvin ahi.
