Bongnoi hi damthei napen, naosen hoa ding'a anphatah ahi in koitobang aneolai ahilou leh naosen bongnoi ham ahilou leh anu-noi a kivah behset lou hokhu calcium avet jeh in agu (bone) uh alhoupon bong jong abonvah in ahi. China gam'a bongnoi poison donjeh ah thilsoh um ho jeh hin mijouse lungsung ah kichatna lentah aumdoh tan ahi. Niseh leh hiche chung chang ahin jatchom chom thilsoh aum jing in ahi. Hijeh chun miho in hoihokhu neh a ahilouleh hoiche hohi neh lou ding ham ti in aseichen thei aum pon ahi. China gam hi gam khangtou ahina ban ah bongnoi sem nalam ajong atampodoh pen gam jong ahi in ahi. Hinlah China gam'a kon bongnoi ahung kisem hohi atamjo poison ajaovin ahi. Hiche bongnoi poison donkha jousen gancha hihen mihem hijong leh athi ahilou leh adammo thulhut akimu jing in ahi.
1. Bongnoi poison hi ipi kiti naham?
Bongnoi powder leh "MELAMINEí ahung kihel (mixed) khom teng hichu mihem hihen gancha ding hijong leh adonkha jouse dingíin damtheina ahipon ahi. Ahileh Melamine kiti hi ipia kimang ahidem?

Melamine hi chemical jatkhat ahi in hiche hi industrialist ho in um le bel, kong ahilou leh adang dang'a mivethoi nading'a color apehjiu ho jatkhat ahi in ahi. Hiche hi In jephoi naho ajong akimang in ahi. Melamine hi thil jep pahna/jephoi naho a kimang ahijeh in akine theilou ahi het ngai ahi.

2. Melamine hi ibol'a bongnoi powder a kilhah ham?
Bongnoi an-pha ahinalo pen chu a ahileh protein ajao jeh tahsa chung adia damthei naleh vathei napen ahi in ahi. Hiche jeh achu Melamine lah a hi protein tobang'a an-pha "NITROGEN" apang jeh a Melamine leh bongnoi powder kihalji ahi. Bongnoi leh Melamine akihal teng bongnoi lah a jao protein hatna alhom sah in chuleh bongnoi dang dang ho sangin aman (price) jong alhom in ahi.

Bongnoi themkhat lutna semding ahi teng tamtah tah asepdoh thei chuleh aman jong lhomcha a akijoh teng acho jong hung tam ding tina ahi in chuteng asem ho in sum tamtah tah amudiu tina ahi. Melamine hi bongnoi tui/powder toh akibang thim in chuleh anam (smell) jong aumpon hijeh achu min atheng /athenglou amatdoh theilou ahi.

3. Itih kum'a Bongnoi lah a Melamine kilhah hung kihedoh ham?† 
Achesa 2007 kum chun US gam'a mengcha leh uicha apet petna athi akon'in China gam'a kon gancha bu/an (food) ho ah Melamine ajao ahin hetdoh u ahi.
2008 kum bul lam chun China gam'a naosen/chapang ho kal(kidney) ah songvei tamtah ana um in ahi.
Lhajing 2008 kum chun China Sanlu Milk Powder ah Melamine ajao hetdoh in aum "in ahi.
Lhalam 2008 chun New Zealand government in China kom ah hiche (Melamine) chung changthua boina hohi kholna anei diuvin ahetsah uvin ahi. Lhalam 21, 2008 nikho in Taiwan khopi ah bongnoi akon hung kisemdoh jouse chu Melamine apang'e tin thulhut akimui.

4. Melamine ineh lut teng ipiti ji am?
Melamine akineh lut teng kal (kidney) sung ah aumden in ahi. Kal sung'a aumsot tengleh song akisoh ji
in jun-gui/long (tube) atingtan in chuteng ana in jun jong akitha theipoi. Kal jong hung pomcheh cheh ding
ahi.

Hitobang natna hohi ki-at (surgery) na songho lahdoh thei ahi, ahinlah kal chu akisuhset aleh akikhel thei ji tapon ahi.

Chukit leh Melamine hin kal in atoh ding bang'a na atong theiji tapon hijeh achu dialysis bol angaiyin ahilou leh thisan kikholkhom jeh a thina changei toh jong aum'in ahi.

Dialysis kiti hi mipao ahi in ipi kiseina ahi nahet em? 
Dialysis hi thisan kisoptheng tina ahi; Tahsa sung'a thisan ho kilahdoh soh keiya machine na akilhit theng (filtering) jou teng tahsa sung'a kinung khumlut kitji ahi.

Dialysis kibol ding hi dahkal 4 sung alut in ijemtia Melamine naneh khah leh nahikho a dialysis hi ni 3 sung'a khatvei beh nakibol jing ding angaiyin ahi. Hiche dialysis kibol nading ahin banía (arm) ahom neocha, thisan lahdoh nading'in, angaicha in ahi. Ipi bol'a naosen ho chung'a khohse dehset ahidem? †† Naosen ho kal (kidney) hi neocha khat ahi in chukit leh amaho hin bongnoi powder ahadon kit uvin ahi. Hiche jeh achu pilhing ho sang'a naosen ho hin athohlel uva, ana jong tam dehset ahi. Tu tadin China gam ah Melamine toh kihal bongnoi powder don jeh in chapang 13,000 val damlou jeh in hospital ah akijen uvin ahi. Melamine hi mihem in ana nelut/donlut jong leh het ding khat chu "MELAMINE† hi akine thei ahipoi !' ti hi het ngaiyin ahi.

5. Itobang hochu nehlou dia pha ham?
China gam'a kon bongnoiya kisem nehthei/donthei kiti phot chu nehlou dia phapen ahi. 6. Hoiche companies hochu Melamine jao ham? China gam akon hung kisem Nestle, Coffee-mate, KLIM, Mr. Brown coffee, Maxwell House, Unilever, Lottee, Pizza Hut, Chesdale, Starbucks Coffee, m&m, Snickers, Dove le adang dang ho ah Melamine ajao in ahi. Ahithei channa kiven nading'in China gam akon kisem, chungía kipe hohi alhompenía lha 6 sung nehlou dia pha ahi.

Ahileh itobang hochu China gam'a kon ham? USA, Philippines, Taiwan, etc., akon'a kisem ho leh China gam'a kisem chu iti kihet khen thei ding ham? Akihet thei nading pen chu ahileh : Kailhang'a (bazaar) plastic a kichunsa (packet) thil nachoh ding phat leh anoilang ham ahilou leh asihlam ham velechun amaho kihet nading code umding ahi. Hiche code masa digits 3 chu ahung kisepdoh nagam barcode ahi in ahi. Tekah na in barcodes 690 apatsa 695 chan hochu China gamía kisem tina ahi. Barcodes 471†a kipan hochu Taiwan in asemdoh ahi tia hetthei ahi.

Hitobang hohi hetdia pha ahi in hinlah government leh akisam kaipi departments in mipi ho ahetsah pouvin ahi. Hijeh achu kiven nadia eima le eima kihil them ding'in aphai.

Tun anoiya kipe barcode hohi nahetna leh nang leh nasopi, naheng, nakom ho bongnoi thenglou don/neh
nading akon nahuhdoh thei ahitai. Kijendam sang'in kivendoh hi gamcheng'in aphajoi.

Code le ahung kisepdoh nagam ho veuhite :
BARCODES:
690 ~ 695 China
00 ~ 13 USA & CANADA†
30 ~ 37 FRANCE†
40 ~ 44 GERMANY†
49 ~ JAPAN†
50 ~ UK†
                                                      57 ~ Denmark†
                                                      64 ~ Finland†
                                                      76 ~ Switzerland and Liechtenstein†
                                                      628 ~ Saudi-Arabia†
                                                      629 ~ United Arab Emirates†
                                                      740 ~ 745 - Central America†
                                                      480 ~ Philippines.†