computer khang jenga jonghi numei hohin pasal toh kibahna dinga athum thumjengu ngaija ahi. Pasal sangin numei anemjoi tia lungput ineijuhi adihpoi tia kidinte pidinghin "feminism" ahilouleh ëfeminist theoryí ahungpeng dohtai.
Feminism kitihi numei leh numeiho natoh gelsangpeh ding, Society hihen, politics hihen chuleh sumlepai lang
hijongleh numei leh pasal akibange tina ahi. Nupi, upa, nungah, gollhang koi hijongleh numeiho dinmun dom-
sangnom hochu feminist ahiuve. Feminism jonghi numei-pasal koi hijongleh leiset chunghi kigit khenna
umlouva kibang chetna vetding ahi tia "movement" bolho seina ahi. Numei pasal kikah a gi kikhenhi mihemte boldinga dei umlou penkhat ahi. Feminist hohin numei pasal kikah a kibah lounahi aponaove. Amahohin, hichi kibah lounahi nemsah cheh-cheh a achaina leh suhbei dinghi alungtupmu ahi. Feminist theory hi jatchom chom aummin, abonnu vahin numeiho dinmun dopsang pehding agocheh uve. Cultural feminism hin numei leh pasal hin personality kibah louna aneijin, numeiho jatchomna hi "special"ahin, pasal hohin numei hohi ahinabang uva hi asanjeng diu ahi atiuve. Liberal feminism hin mijouse hi kibang chetna kisem ahin, numeiho kivetnem nahi education bouhin sudihthei jinte atiuve.
Numeiho dinmun dopsang pehding ahi tia "movement" chelhahi ahatlheh vangin tuni geijahin ikihil naohi nun-
gah holeh nupi hohin pasal ho lhaving noija umdiu ahi itiuvin, numei dinga angaichat, akinepna, anatoh phat,
alungel leh athanopna hochu ajipa sanga agelkhoh johding khatcha aumpoi itiuve. Media jonghin thuneina jousehi pasal toh avetbehjeh hin numei leh pasal kah a kigitkhenna hi asangcheh cheh e. Vetsahnan, Hollywood a khun numei hohin cinema leh TV role hi pasal hoa hopthumma hopkhat bou achang phaovin chuleh pasal sangin alodoh u alhomme. Habit lui inei houhi abeivahpoi tia thuchih kiseihi adihdan akimudoh in ahi.
Numei leh pasal hi ibolla akibangpoi iti theiju ham? Mathematics seidannin thilni akibangchet bouchu akibanga
kisim theiding ahi atin, hichi dungjuihin pasal leh numei vang akibanglou ahinai. Kibahlouna tampi aneihonne. Akibah honloujeh a hi numei hi pasal sangah anemjon, hijeh a chu jana leh vetsangna pehlou ding ahi tina aumdehpoi. Mihem hina khatna athupi hondan akibang chetnin, society dinga athupi nahon akibang chetne.
Pathen masangah adinmunhon akibange. Numei hin chate chu atahsa chung ngeija avopma noitwi achepsah
ahin; hichu pasallin aboltheipoi. Pasal hi numei sangin atha ahatjon, alungjong angamjoi. Hichi kibahlouna hi nu
oisunga ihung kijilla patna hung kibanglou panna ahitai. Hijehchun, numei leh pasal hi mathematics in asei banga 100% kibangchet ahi akiti theipoi. Amonga jong akibahchet hondinghi angaichatna ipiham? Pathennin akidou ding hilouva akitho khom dinga asem ahin, apanna theicheh honna apanhon tenglebou thil bukim theiding ahi. Apankhomhon louva thunei ding akichu honleh mitthah te nupa kisei banga chu ani honna mahthah honding ahibouve. Numei jin amopohna alah nomlouva pasal injong amopohna alah nomlou tengleh boina leh nohphahna bou mutheijin aumjitai.
Masang khanga numei hochun ama minna neilegou anei theilou, business abol theilou ahi. French Revolution laichun liberty, equality leh fraternity hi numei-pasal kidangdatna umlouva mijousen amusohkei dingin ana ngeh un ahi. Hichi ëmovementí hin Europe gam pumpi ahinlotai. Numeihon lekha simsang nading, business boltheina ding chuleh neilegou aminna aneithei nadiuva athum uchu olollin ahung kipetai. 1946 kumchun numeiho political, economical leh lekhasimna langa adinmunnu dopsang pehna dingin UN Commission on the Status of Women hi ahung kiphut tai. India gamma jong numeiho dinmun anem valjeh in feminist movement hi 19th century chun feminist Raja Ram Mohan Roy leh adangho lamkainan anakipanne. Chuchi khanga feminist hochun numeiho dinmun anembehseh nalaiho bouchu anasudih gouve. Feminist movement hin alungtup tampi amutaovin, tuhin numeiho dinmunhi pasal a sanga suhsang ding tichangei hi agel tahjeh uhin feminist jonghi loichom chom ahung kiseptan, akipat tilla feminist hon anachepiu lungtup chu amansahgam taove. Hichi laitah a hin anti-feminist lungel jonghi ahungpeng dohtai. Anti-feminism hohin feminism ho sei jousehi adoudallun, feminism hon numeiho rights suhsang ding atijeh uhin anti-feminism hohin numeiho rights suhsang louding atikit leuve.
Numei hihen pasal hileh atohgimna houchu hetpeh ding, pachat lomhochu pachat louva koilouding angaije.
Chapang vetkol, insung natoh chuleh thilneo cha-cha bolna dinga numei chu akiseimo valleh pasal hon ikitho-
pi chu ipi asetna aumdem? Numei injong pasal tohdinglom hijongleh kithopi angaichatna hoachu kithopimo
ahipoi. Emite hin gollui khanga patna ihin chepiu pasal mi upan insung gou aloding, phungthu a minluto akisim
tengleh pasal minbou seiding chuleh numei ajinei tengleh ajipa phung changding kitiho geija khelding tina vang
ahipoi. Ipu-ipan ahinchin toupeh chonna hohi namkhatnin chena lhongpi a aneiding ahitahjeh hin Pathen phat-
sah jong hidingin tahsan aumme.
