Abanna hui suboh thei dang ho chu keng li le keng ni a lhai gari ho ahiuve. Gari choh hila sum neiho kitetna
ahikitíin ahi. Sum Rs. 5,00,000 chunglam neiho din gari neilouva um chu thil hahsa tah khat ahi. Ahinla sum
tamneiya gari cholouva um thei ho chu hatna le pilhinna jatkhat neiya ahiuve. Gari choh lou ding sei sanga
seidan chom khat chu tukhanga kolphe meivah tha a lhai rel (train) aum banga nisa thahat hamía lhaisah thei
ding hi namlen ho del khat ahi.
Hitobang aumdoh masanga chu keng gari ho man ding, thao bei rickshaw ho a hache le ding hohi seithei ahikit'e.Chuche ho sanga seibaijep chu gari neo kangli le kangni ho tamchoh louna dia lam gam la dom ho a bus a hache ding hasei ding hi ahikit'e. Mi 40 chun gari khat cheh anei sangun bus khat'a atoukhom jingu le hui suboh ding alhom dom'e, ti din aum'se. Hijeh chun abaipen'a seidin mihao hon jong gari cho tajong leu haman louva bus a hache diuva pha ahi. Nisa vah thahat a gari ho alhai thei masanga hiche dan hi juiya pha ahi. Kolphe meivah thahat'a lhai rel (electric train) umna state (West Bengal, Tamil Nadu, Delhi, adang dang) ho a hui suboh thei alhom jep theiye. Hiche rel ho umjeh hin mitamtah akhu umtei gari a chele le louvin hiche rel ho a chun ache le theiyuve. Hiche ho chun mipi niel tamtah gari cholouvin khol ajinle sah theiye. Hiche ho hin hui ahasuh boh poi tithei ahi. State jouse a hiche ho aumdoh thei ding jong angaina aume.
(4) Buhonna a Gas Haman ding : Leiset mihem hi atamlheh tai. Mihem hijat hin buhonnan thing mang
cheh le meikhu hungdoh ding chu gelthei ahi. Gas a bu akihon le aphatchomna ding ni veu hite
(a) gas a bu(an) akihon cheh le thing a bu kihon sanga hatah a hui asuhboh mo ding ahi.
(b) Gas a mi inko jousen bu akihon cheh le bu honna dia thing kiphuh a kimang doh jouse kimoh phuhlou ding ahitai. Vannoi leisetía thinga buhon jousen gas in bu hon chehleu nasatah a thingphung kihuhtup ding ahitai.
(5) Meihol kisem Suhlhom ding : Phalbi daplaiya meihol kimang kheldoh nadia manthei, seithei alhom lheh e. Kolphemeivah a kona suhlumna (Electric heater) jong akiha man le agui ho asenom'e. Chujongle iumna houva avolt ho hi alhom theijeh in mijouse manthei ahibehseh poi. Ahinla ahithei chan'a meihol kisem suhlhom nadia phabep in heater man'a ahithei channa lam chom chom'a kihol angaiye.
(6) Nen-bohse asuhmangna ding dol cheh a suhmang ding : Ecological Crisis suhlhomna dinga nen bohse ho hi ama hidan dungjui cheh a suhmangje het angaiye.
(a) Agothei halmang thei ho halmanga suh mang ding,
(b) Khainai le plastic lamse hallhah sanga apaina mun ding mong sem'a pai ding ahi. Leipha (hal) a manthei dom jouse hal'a man dia hon sung ahiloule loulaiya sun ding ahi.
Hiti chun ivet le ecological crisis apun louva suhlhom jong ahina dinga bol ding tamtah aum'e. Akiseilou jong tamtah umíinte. Thinglhang loubol ngah a kivahna thei chom chom man ding; thing haphu ding; hui suboh thei thil ho haman louva hachoh lou ding, lamchom chom'a peldoh got ding; meihol sem lhom, man lhom ding; bohse nen ho asuhmang nading dih cheh a suhmang ding ti ho isei tauve.
THUCHAINA
Namneo namlen kisei hi aumpoi tithei ahipoi. Aum'e. Lam khat'a sei din amihem tam ho khu namlen hisah
a amihem lhom hohi namneo hisah thei ahi. Tekah in Nagate hi namneo hitale Bengalee te khu nam/jatlen
hisah thei hinte. Lamchomía sei din gam khangtou le gam thahat ho chu namlen hisah a nam vaicha le
nam khangtou lou ho chu namneo hisah thei jong ahitoh-e. Tekah in France te chu namlen ahiuvin, Myanmar te chu namneo ahiuve.
Eimite namlen ahitheina ding chu gelna thei ding lampi aum theiye. Chunga bung som le thum ho a kisei toh
ding kisei hohi phatechan tong bulhing leu hen namlen hina thei ding lampi hung umnante.
Namlen hina ding hin inam min chuhat jong angaiye. Nam min'a chu kibao ding ahipon nam min chu dop-
sang ding gotjoh ding ahi. Namlen khat hina ding chun lam jouse a tohding bolding aum cheh e. Hiche dung-
jui hin namlen hitheina ding chun amasa pentah a ihatmonau, inoinunnau kihetdoh masat angaiye.
Chujou teng lam jouse a toh ding ho tohdoh angaiye. Politics thua, Jatjem thua, sum le pai thua, Hou thua,
Social hinkho a, Gal le tol thua, Golseh lam thua Literature thua, Themjilna lam'a, Gam leiset thua, Khan-
touna dang le Ecology thua toh ding kisei ho tohdoh cheh angaiye.
