thing lentah tah ho a do loi loi got ding ahi. Lamlen lai loulai ho jong mipi kitho a sem got ding ahi. Gamsunga mun onglai lai ho hi thangset le thang thipna beihelía thinglen ho, thei ho, jonglha ho phu dim'a aga nekha kha avangpha dia phu jeng ding ahi. Eima gamsung semphatna a chu thangthip, thangset bol louva kithokhom ding ahijenge.
Khosung le gamkai sunga mipi thil ho chu kitho khom'a semhoi hoi jeng ding ahi. Nam le kho khantouna chu
eima khantouna ahi hepum'a khantouna thei jouse tohkhom jeng angaiye.
Ecology le ecological crisis to kimatía tohding ho Ecology kiti hi Pathen thilsem jouse achanga umthei
beihelía insung khat banga akiloimat to dan'u seina ahi. Ecology kiti hi thilsem ho khat chu adanga akingapía
adang to akimat dan le adang beiya thilsem khat aum theilou dan simna ahi. Thilsem khat beiya thilsem chom banjom nalaiding... khat um theilou ahi. Hampa, louhing, thingna ho umhih le ganhing atamjo hing lou diu ahitai. Mihem ahai theilou teng thiding ahijenge. Hui lah a Oxygen ahailut'a hinga ahi. Oxygen um tahihle mihem le ganhing ho khatcha hing theilou ding ahitai. Hitobang ma a chu thilsem namkim hi khat chunga khat kingam ahicheh uve. Khat beiya khat um theilou, hing theilou ahi. Hiche a akimatnau, le khat chunga khat kingai akisimna hi ecology akitie.
Ecological Crisis : Hiche hi Pathen thilsem ho ahina bang hitalouva mihem hon asuhsetnau seina ahi. Chunga kisei thilsem ho khat le khat kisamkaina, khat beiya khat hing theilou um theilou ahina dinmun'a suhset chu ecological crisis ahi. Thil sem khat isuhset, isuhlhom, ahiloule isuhmang le ahithei talou khat um chu ecological crisis ahi. Hui akisuh boh le thil tamtah asusei. Hui akisuh boh leh
(1) Mihem le ganhing hon hui thenglou ahailut tauve.
(2) Chung langa nisa satdal'a Ozone layer asuse pan tai. Hiche hui kisuhboh hi ecological crisis sosahna ahitai. Thing le go gammang kivatchai, ganhing kitha gam, twi kisuhneh, leiset kisuhboh hohi ecological crisis a apang cheh e. Kho khat hin thinglhang loubol ahabol val'u le akhovelíu gammang aum gam tapon, hampa lei asoh tamtai. Hijeh chun kichon le le a thinglhang loubol chun gam asatsah tan, gotwi aphatlou louvin ajuhsah tan, ganhing beigam ding ahitan, kho kom'a vadung neo (vacha) ho khal lai le akang gam jitan, gamlah a me le thil holna ding aumtapon, boina ngen ahitai. Hiche ho jong hi ecological crisis ahi.
13.2. Ecological Crisis Jeh a Tohding ho.
Ecologycal Crisis amachal louna ding le suhlhom nadinga bol ding ho chu noiya ho hi ahi.
(1) Thinglhang loubol dalhah a kivahna thei dang danga kivah ding : Thinglhang loubol kisei hi kum
ni jouseh a kichon le le akibol'a chang kibolji khu pailhah ding thildang danga kivah ding tina ahi. Hijeh
chun thinglhang loubol hi ahithei louna phat hung umthou thou ding ahin chule asetna tamtah aum'in ahi.
(a) Tua bon thinglhang gam achaigam tah le tua mihem jat ajat nia ahung tam teng ipi kivahna kinei ding ham?
Ahithei poi. Hijeh a chu ivet le tua akipat loule khonung le lampi jouse abin phat hung um ding ahi. Tutua
kivahna dang kihol ngaiya ahi. Chutile leiset umsot ding ahi. Hiche jengseh chu ahipoi.
(b) Thinglhang loubol hin suhset khoiset tamtah aneiye.
(i) Pathen thilsem hoina asusei
(ii) Ganhing ju le va ho in/chenna asusei
(iii) gammang ho asuhchai jeh in gamsat asat sah cheh cheh e. (Gam- mang noi ho hi dap a ahi).
(iv) mihem tamval teng thinglhang loubol akibol jom nahlai le gammang um tapontin leiset saval'a buhbang molía buhbang ho junlha gam'a twikhanglen twi pom ding, twikol nem ho achup thei ahi akiti.
(v) Gammang ho hin mei achop'a go ajuhsah ahi. Gammang akivatchai teng gotwi lhom cheh cheh thei ahi. Ahiloule loubol phatlou pouva go hat'a phat dang, loubol phat ahilou teng le go beihel'a umthei ahi.
(vi) Thinglhang loubol hat kho ho dong le chun masanga kumlhunga kanglouva twi lonna ho a chun tulai le twi long taponte. Gam pumpia twi bei le ipi kidon ding ham?
(vii) Thinglhang loubol hohin munkai/munchim jong atamsah ji.
(viii) Gojuh teng gangtah in twi asosahji. (ix) Lei chungtho (leipha) chu
gotwiin alhoh mang loi theiye.
(x) Leiset asuchul'e.
(xi) Thing lhang loubol hi akhang khanga vaichat denna ahibouve.
(xii) Pathen thilsem hoina suhsetna ahibouve. Hiche ho le adang tamtah asosah jeh hin thinglhang loubol pailhah a kivahna dang dang habol'a bol hi namlen ding ho toh ding ahi.
(c) Kivahna danga kivah thei ahitoh dan veu hite:
(i) Thinglhang lah a cheng ihijeh un theilei bol thei ahi ti akichen'e. Komla, champra, haithei, lechu, theikha, pumton, sap (khal) thei, lengthei, adang dang tamtah hi gambeh khat'a bol'a lhaseh tobanga ga dinga bolthei ahi.
(ii) Thinglhang mite dia kivahna thei phatah khat chu anche louhing jatchom chom bol'a kumlhunga kivahna thei ahi. Ankam, kohpi, kohpi pahnei, iscus, menal, dahdul, malcha ngat, malcha pom ho bol'a kivah thei ahi tihi adihmo poi. gari a poh a tolkham kham'a bol'a kivah ding dan ahi.
(iii) Dukan bol'a kivah hi leiset'a hinjouna khat ahi tihi vannoiyin aphochen'e.
(iv) Hotel bol
(v) Press hon,
(vi) Computer a kivah, adang dang tamtah kivahna thei aum'e.
Eimite khopi dom dom ho a namdang dukan bol ho hi eihon jong thoa amaho kivahna ho banga kivah tei tei
got angai tai. Hiche ho hi thinglhang loubol louva kivahna thei aum ding dan vetna a bou kiseiya ahi.
(2) Thing Haphu ding : Leiset asetlouna dingin thingphu habol angaiyin ahi. Thinglhang loubol jeh hin leiset'a thilse atamtan ahile semphatna ding hin thingphu jong habol angaiye. Mun onglai jouse, lampang dung, khovel dung gamlah thing kelouna ho jouse a thing thah phu a thahsem phat angaiye.
banjom nalaiding...
