Tukum kichai langle hin Tom Cruise in India ahungvil ding in ginchat aum in ahi tin thulhut ginchat umtah khatchun asei in ahi.Tom Cruise in Phallha(Nov) le Mumbai khopi ahung vilding chuleh hiche mun a hi MI(Mission impossible)4 kiti film hi kal thum sung tobang kap ding ahi. Chuleh ama hin Mumbai khopi sunga mun ijat ham khat a scene them khat akapding ahi.
Hiche film hi Phallha kichai lam a akap pandingu, Ollha kal ni kal thum changei tobang akap dingu ahi. Hiche film a natonga pangjouse hi Mumbai a pansa dingu ahi tin akisei in ahin aum nadingu munchet vang hetchen ahinai pon ahi. Chuleh alang khat a, Ang Lee film ‘Life of Pi’ kiti jonghi kumkit le India gam a kap ahilou leh tho a umding ahi. Hiche film hi kumkit le Punducherry a akap panding’u ahin,tuhin hiche film a lead role dinghi asuhchen laitah u ahi tin thulhut khat chun asei in ahi.

‘Bollywood meets Hollywood’ in Punjab eye hospital dinga fund raise bol ding
Washington,Lhamul 10 (IANS) : Vetnom umtah khat hiding “Bollywood meet Hollywood” kiti nikho, India culture hoitah tah, lam, music chuleh fashion show kiti ho vetsah na umding ceremony khat, Misemni kit le Punjab mun a um new eye hospital kiti a ding fund holna dinga washington mun a um ding ahin ahi.

Hiche fund raise a amu u sum hopthum a hop khat hi Sankara Eye Foundation (SEF) kiti a apeh dingu ahi. SEF hi US registered -non-profit organisation ahin amaho hin 2012 kum kichai lang leh Punjab a hospital adang khat hon doh ding tohgon jong anei uvin chuleh a net budget uhi $4 million lut ding in asei uvin ahi.

Fund raise bol nadinga, Tojash Natali, SEF a supporter leh donor nu leh Manan Singh Kotohora, South Asian filmmaker le event promoter pahin hiche “Bollywood meet Hollywood” kiti hi Washington mun a hosting abol lhon ding ahin ahi. Hiche nikhoa hi Drishty D’Costa in asem creative live art jong pang ding chuleh, gamdangin India te culture avet uleh amusangu hoitah tah kipo doh ding ahi tin organiser hochun asei uvin ahi. SEF te hin Sankara Eye Care (SECI) India toh partnership a na atoh khomlhon ahin, India a suh dam thei blindness ho tosot naleh panpi na a hiche fund raise hi abol u ahin ahi.

Chuleh, hiche institution hi 1998 kuma K Muralidharan K. Sridharan le Khushnood Ahmad in anaphu doh u ahi.

“Inception” in Gansemni a $20 million vallang mu “Sorcerer’s Apprentice”lolhing joulou
Christopher Nolan in kipah tahle thanom tah in Misemni chun hinkho anamang in ahin Jerry Bruckheimer in vang anamang pon ahi.Dark Knight director pa hin Gansem ni chun a original,mind-bending film Inception kiti ahin $21 amu in ahi.Hiche ahin opening midnight show a anamu $3 million jongchu apang in ahi.Chuleh hiche film Leonardo diCaprio in atho, Warner Bros le Legendary Picture in produce abol hin a three-day opening frame a hi $60 million amudoh thei ahitan ahi.Hiche hi ivetleh ‘Sorcerer’s Apprentice film toh amu akikhe lheh in ahi.Disney te hi National Treasure franchise ahin alungdei bangtah in alolhing jou tapouvin ahi.Hiche film Bruckheimer in produce abolle John Turtetaub in direct bol chuleh Nicholas Cage in atho hin gansemni chun $ 5 million tobang amu in kal (Week) kichai le hin agom a $15 tobang amuthei ding in akisei in ahi. Hiche ‘Sorcerer Apprentice’ film hi Vahchan ni(Wed) a chu kihong ahin,agom a hiche ni 2 sunga amujong hi kigom jong leh hiche film hin ni 5 sung in $20 million mudoh jouponte tin thulhut khat chun asei in ahi.

Athumna mun hi Universal Pictures te animate hit Despicable Me kiti hin alahding in aum in hiche film hin Gansem ni chun $10 alodoh in ,amahin kal kichai le $30 million amudoh thei ding in aum in chuleh, nisom sunga $118 amudoh theiding injong hatah in ginchat aum in ahi.Spot 4 le 5 hi strong-performing holdovers Twilight Saga: Eclipse le Toy Story 3 kiti film in alahthei ding dinmun in aum in ahi. Hiche film teni hin Gansem ni chun $4.5 le $ 3.5 million amulhon in ahi.Eclipse hin agom in $265 million tobang muthei in tin,alangkhat a Toy story hin agom a $360 amuthei ding in aum in ahi.