percent VAT ana um chu Lhamul 20 apat 15 percent bou kila ding ahitai. Hiche hin Delhi khopia diesel man alhom sah ding ahi tai ati.
Commonwealth Games 2010 um nadinga Delhi sorkar in VAT chu diesel a 12.5 percent akon 20 percent a anakal sah ahi. Tupet ahi diesel litre khat a dangka 40.10 ahin aman ahung nem teng dangka 37.73 bou hiding ahitai. Dikshit in aseibe na a petrol pump neiho sum tong amu lou jeh uva diesel a VAT kila hi lhomsah ngai ahi ati. VAT akal jouva pat Delhi pump associations hon kiphinna ananei jing u ahi ajeh chu diesel gari neihon state danga akithum ji tauve akiti. Delhi hin diesel thao chunga VAT sangpen anei ahiye.
Chlorine gas leak jeh a dammo mi 65 hospital a pot ta
Mumbai, Lhamul : Mumbai khopi a Chlorine gas leak ana um jeh a mi 120 dammo a hospital muna ana kijen ho lah a mi 65 ho chu adam dom tah jeh un hospital mun chom chom choma kon in apot doh tauve. Hiche Chlorine gas leak chu Bombay Port Trust koma cylinder khat akon ahi. JJ hospital a Dean Dr PP Lahane in aseina a koima cha akhohse aumpoi chuleh adam lou atamjo chu janhi leh tuni jing kah chun apot tauve ati.
Alhom pen in Chlorine gas kihoplut jeh in 120 tobang hochu KEM,JJ, Mumbai Port Trust leh Balaji hospitals mun hoa ana kijen un ahi. Civic body officials hon aseina a 65 tobang chu aumna hospital akon akisol doh tauve ati. Officials hon aseibe na a gas cylinders hochu phatechan kholchilna aum in ahi. Police hon hitobang thilsoh thua FIR registered abol un hichu IPC leh Environment Protection Act noiya kibol ahin hinla koina matdoh in aum hih laiye.
UP Minister bomb a kitongkha chu Plastic surgery kibol ding
Lucknow, Lhamul : Uttar Pradesh minister Nand Gobal alias Nandi chu a in maiya bomb apokeh jeh a kitongkha chu ni 4 jouvin akhut teni chu plastic surgery kibol ding ahitai.
Hiche surgery hi Sanjay Gandhi post Graduate Institute of Medical Sciences muna kibol ding ahi. Gopal chu hiche hospital muna hi ana kijen a ahi. Minister pa chum un tampi a akitongkha in adeh a akhut teni chu akhohse deh in ahi. Minister pa chu adam dom tah jeh a akhut teni chu plastic surgery bol ding kingaito ahi tin medical superintendent AK Bhatt in aseiye. Minister pa medical test kibol jouse chu apha soh nai, hinla tuchan in life support system akipe jing nalaiye tin Bhatt in aseiye.
