Singer Kelly Osbourne in adongma pa Luke Worall chu achunga ajou aseiya amahet lou a guhthim a midang toh achon chavei a alhep jeh in akikhen pitan ahi.

Osbourne chun lunghang tah in a Facebook account a chun, 'Luke Worall michavei tah ahi.Amahin ei lohso sa e' tin asun e tin ginchat umtah thulhut khat chun asei in ahi.

Akikhen na lhonchunga thulam leng donbut na in,Osbourne chun a twitter page ah, 'neilung gimpi naole neikithopi najal uvin nabon chao chung ah kipathu kasei in ahi.Ahin hiche thu keini sungkikah ahijeh in phongtah in kasei nompon ahi.Chujongle aseding jouse asegam tai semphat thei aum tapoi' tin asun e tin female first thulhut chun asei in ahi. Ahin, kum 25 a tah Kelly Osbourne khel a thusei le a pangkhat chun hiche chungchang thu a hung phone call hochu anala nompon ahi.Kelly Osbourne le Luke Worall hi 2009 Lhakao a pat anakingai pan lhon ahin amani hi kumni sungtobang bou aumkhom lhon in ahi.

U2 tehi leiset chunga top earning band ahi: survey
Lhamul: Irish rocker U2, world tour le thildang danga akiman chah naova $130 million mu leh lodoh te hi leiset chunga dinga top - earning musicians ahi tin Forbes.com thulhut chun asei in ahi.

Hiche group tehin merchandising revenue le tour a hin $10 million amu uvin,Autralian heavy metal group AC/DC,a worldwide tour uva $114 lodoh techu top list achun akhen lha uvin ahi.

R&B singer Beyonce Knowles hi athumna a apang in,amanu hin $87 alodoh in ajipa rapper Jay-Z sang in three spot in asangjo in ahi. New Jersey khomi Bruce Springsteen le a E Street Band toh pop diva Britney Spears hi top five a apang lhon in ahi.

'Tukum top-earning music list a pang artist akehkhat tobang hi aumsot tah dan uhi 'Back to the Future' soundtrack ajong pangthei taovin te' tin Forbes.com thulhut chun asei in ahi.

Chuleh, hiche financials website,Forbes.com chun,top two band teni leh Springsteen toh Madonna,No.8 spot apang nuhin Lhadou 2009 apat Lhadou 2010 sunga hi $372 million alodoh jouding u ahi tin asei in ahi. Lady Gaga in a 106-date tour,record sales le marketing deal a $62 alodoh jeh in Madonna akhel in No 7 spot chu achang in ahi.

Concert pet a Pink melse tah a kisu kha
Singer Pink chu Vahchan ni a Germany gam a concert abolpet a amanchah jah ho kisuh loujeh in anaki tongkha in aconcert bolban lai petchun hospital a anapui uvin ahi.Singer nu chun toset ato a concert ahibang a anabol theilou jeh in afans hokom a chun ngaidamle kiphat lamna thu anasei in ahi.Chuleh singer nu chun,kakheh chu vetdinga melselou hileh kanom e tinjong asei in ahi.

'Concert hitia ginchat le lunggel loubangtah a anakimoh chaijeng chu nommo kasalheh in kakiphalam in ahi.Chuleh nei ngaidam dingu jong kaki nem e'ìhiche thil soh chu kagel leh kajah jong achalheh in ahi. Alangkhat a kalungjong ahang in ahi.Tun vang imakati tapoi damna lam kamano tai.Kinoval jeh in phate le
dihtah in eina clipp manpouvin,hijeh chun stage pamlanga eikaidoh in barricade chunga chun kana khelha in ahi' tin singer Pink chun a website achun anasun in ahi.

Akitoh khah jou nidan khat tobang nungchun, kum 30 a tah Pink chun afans hokom a 'imacha abongpoi,ka chop a jong tui alutpoi,ahin kavun vang hatah in kakisuh khah e' tin anasei in ahi. Tuchung bou hilouvin,Pink hin kum masa jongchun a concert bolpet in alengkou anakisu in ahi.