Angelina Jolie hin achapan laiyin genthei le hahsa tah in hinkho anamaing in ahi.Ajeh chu amahi chapang chakhat chuleh noichep ban ahi lai chun anu in amahi anada lha in donlouvin ana koiyin ahi tin tuhin athah beh hetdoh nale mudoh na ahung umíin ahi. Hiche actress nu hi
ahung khanlet le akhanthah lai nikhochun chon ngaina dol hilouvin hinkho anamang in louchang kiti ho anane in chuleh kilungset na hinkho jong kitup tahle sinthei tah ananei pon ahi.

Andrew morton in biography khat anasut "Angelina:An Unauthorized Biography" kiti a chun hiche star nu hi neocha ahi laiya pat in genthei le hahsa tah in hinkho amang'e tin athusim chu akisun paníe tin Usmagazine
thulhut chun aseiyin ahi.

Former babysitter Krisann Morel chun asei dung jui in,actress Jolie nu Marcheline Bertrand tua umtalou nuhin
Jolie hi 1976 kum chun ajipa Jon Voight toh akikhen lhon jouva pat Jolie hi nomle da umlouvin anada lha in ahi tin aseiyin ahi.

Chujongleh Morel chun, kum ni tobang hi Bertand in achanu Jolie chu munchom'a ana koiyin michomíin hiche
chapang nu chu anakhou khah uve tin jong aseiyin ahi.

Ahin Jolie in mipi kom'ah,kanu hi ka ngailut tah khat mi ahin chuleh aman jong hatah in eina ngailu-e tin,anu
Tolbol(Jan) 2007 kumía athi chun phon dohna ana neiyin ahi. Ahin Morton chun,Jolie hi aneolai hinkho manchun hatah in anasu kichan hijeh chun ahinkho ijatham khat tobang hi achat veilo-e tin alekhabu a chun anasun in ahi.

Selena Gomez in Leonardo deicha
London,Lhamul 24 (IANS) : Actress Selena Gomez chun,Hollywood actor aleonardo DiCaprio hi hoi kasan chuleh kadeiye tin aseiyin ahi. Kum 18 a upa 'Wizard of Waverly Place' star nuhin,kanu toh ipi film hijong leh ama tho ahiphot phot le ave in kache jinglhon'e tin Gomez chun aseye tin contactmusic.com thulhut chun aseyin ahi.

Tua Leonardo film tho nukhah pen 'Inception' chung thu a dohna anei naova chun, actress nuchun, heng'e kahe-e ahin hiche film vang hi kave naipoi chuleh vetjong kavet teitei ding ahi kanu komía jong nivei lang tobang, tulaiya hi aman ipi abol am? ipi lam thu a kipi tam? Hoilang mun ajot hitam? tin kana dongdong jing in ahi.Chu kitleh ama hi mihoi tahle vetnom umtah mikhat ahin chuleh talent nei tah actor khatjong ahi tin anaseiyin ahi.

Chuleh Gomez hin Leonardo keo hilouvin hollywood actor Nick Jonas le Taylor Lautner jong hatah in aseipha in ahi.Chuleh akisei dan'in Nick Jonas le Gomez kikah a hin tulai hin ipihamkhat aum'e tin thulam leng khat
chun aseiyin ahi. Chu kitleh Gomez chun, 'Nick Jonas le Taylor Lautner hi ani lhon in kahe in chuleh amani hi kivop pi nomtah le miphatah ahi lhoníe tin aseiyin ahi.

“Judge Dredd”sequel a Karl Urban in Stollone khel ding
London,Lhamul 24 (IANS): Hollywood action star Sylvester Stallone chu ahung sohdoh vah tading 'Judge Dredd' kiti film sequel achun New Zealand mi Karl Urban chun apan mun akhel ding ahi tai tin akiseiyin ahi.

Hiche comic book anti-hero film sequel,Stallone original 1995 movie akitho jouva pat akum 13 a lhin jouva kitho kitding film hi Novelist/screenwriter Alex Garland in a script hohi asut ahi tin exoress.co.uk thulhut chun aseiyin ahi.

Stallone hi tua athah a kibol 3D film a hi pangta louding ahivanga judge a apan'a role hi 'Star Trek' actor Urban kipe ding ahitai.Chuleh hiche film hi late 2011 ahilouleh early 2010 a release kibol ding ahi tin thulhut chun aseibe in ahi.

Pitt in World War Z film thoding
Brad pitt hi Maz Brooks in asut lekhabu a pat kila doh 'World War Z' kiti film hi atho ding ahi tin akiseiyin ahi.

Hiche film in amusah chu ahileh masang laiya kidou nakhat ana um na-a World population atamjo lang tobang anaki that chu sempha dinga athah beh-a mikhat in hiche phat lai chu holdoh kit na-a hinkho ahin man thusim ahi. 2007 kum chun Brad Pitts production company Plan B ten hiche film rights hi Leonardo DiCaprio Appain Way tetoh hatah-a akichu jou uva anamu-u ahi tin contact music thulhut chun aseiyin ahi.

Brad pitt chun, 'Paramount ten hibanga kachunga napha atoh uhi kavet leh hatah in kidang kasa in chuleh hatah in jong kakipah in a hi . Chujongleh paramount te chung keo hilouvin hiche project kamu thei jeh in Plan B te chunga jong hatah in kalung alhei in kaki pah lheh in ahiî tin aseiyin ahi.