CWG 2010 hi Commonwealth Games lah alolhing pen chu ahi tia tuchan a igel thei nalai dingu hinam, tin Organizing Committee Chairman, Suresh Kalmadi in thulhutna anei in, ahiloule ngaichat ding thilho tuchan a joloua aumjeh a hi ahilou ding dan a imoh gel dingu hitam? tin aseibe kit e.
Athletes ho kiletsah nathei ding mun chu ethah semdoh nom uvin, chuleh anamasa mega event hotobang chu
hiding hinam? Achaina a kichepna hi sumveipung na ahin, khununga infrastucture ahoina ding ahi tia eseithei dingu hinam? ahiloule tax pihohin a sum u chu kichepna ahung lhung ding toh lhona ahiloulam a aman dingu chu
edei u hitam? Hiche jouse ahin chuleh aval in jong emu uvin, hiche toh lhon in thakhat a dinkhom a gamsunga mipi jouse in kichepna adinga kihou khomna enei na dingu phat kilem chang pet chu ahitai.
Hondohna kin adinga stage semna a kithopina achun, Sheila Dikshit, chief minister of Delhi, Suresh Kalmadi,
chairman CWG 2010, Abhijit Sarkar, head, corporate communications, Sahara India Pariwar, S. Sridhar,
CMD, Central Bank, Rina Ray, MD, Delhi Tourism chuleh V.K. Karthika, publisher and chief editor, Harper Collins, India hocheng jong apang uvin ahi.
Alankhat a Suresh Kalmadi leh Sheila Dikshit state sunga athil gon lhon lolhingtah ahung hiding hi ginchat aum in ahi. Rina Ray hin kichepna sunga gamdang mi hihen chuleh gamsunga akon Delhi mun vilna hungneiho hijongle phatah a ventupna aumna ding in tohgon anei in ahi.
Thusei jousen jatle nam a kikhenna umlou a japi kipun khomding angaichat dan chu asei uvin chuleh Delhi 2010 hi hiche aumthei nadinga phat kilem chang khat chu ahi tin seidohna anei kit uve.
Alangkhat a Karthika alunggel aseina achun, hiche val ajong kibol doh thei ahi. Chief minister nu chuleh CWG
chairman pain hitobang kichepna ho host bolding tihi ahah dan asei lhon tan chuleh lunglentah a hetthemna eneina dingu vin temna jong anei lhon in ahi.
'Hiche kichepna hi loupitah a aumna thei dinga tohgon tampi kinei ding ahi. Matah a pat ding kadei hih uvin ahi ajeh chu hiche hi kisuneo kha ding ham tin kagel uvin hijeh chun thil jouse hi ni 60 bou avat tengle kipatna nei dinga pha ham,'tin Dikshit in alunggel chu aseiyin ahi.
'Hiche kichepna hi loupitah chu hiding in kagel in chuleh India hi kichep golseh lam a hung machal ding in jong
kinepna kanei in ahi,' tin Kalmadi in aseiye.
Paromita Chatterjee of ET lamkai nanoi a 'Commonwealth 2010 as Investment' tia gelkhomna chu anei kit uvin ahi. M.J. Akbar in vang hatah in ahina vang chu aseipon chuleh B.S. Lalli, chairman of Prasar
Bharti, invang kichen tah in host broadcaster adinga hiche kichouna khat chu ahi ati.
Hiche toh kitoh in, Ayaz Memon, Charu Sharma, Akash Chopra, Deep Dasgupta chuleh Hakimuddin
Habibullah hon vang, CWG 2010 lolhinna hi Olympic sports in Indian sporting pantheon a mun dihtah chu
anei e tihi akinepnao khat chu ahi. Panel in avetsahna achun mijouse adinga kichepna hi ngaicha ahin chuleh hiche kichepna hin khantouna le chamna amachal sahdan aseidoh in ahi.
Hiche gelkhohna hi, sports field lam a gel dinga alhasam jep in, ahinla CWC 2010 adinga alhangpia lung suhtona chu ahikit e. Mopohna neijouse in kichep golseh le nationalism akimatdan lhon chunga boina
nasatah in anei uvin, hiche hi CWG 2010 a mun kidosang ho atamjo akichai tengle bou akimatna lhon chu hung umbe cheh ding ahi.
