"Christian mihongphal chu mitilkhou ahi"
Pathen in mihem hinkhoa adeipen chu midang tilkhouthei hinkho nei jing thei hi ahi. Mihem khat in midang tilkhou hinkho anei thei dingin na toh le thilbol tampi anei doh angaiye. Ven,
Barnabas chu Pakai Jesu Seijuiho lah'a pang ahilou vang in Jesu Seijuiho jouse sanga Bible a midang tilkhouthei a hung kisei thei ahi Ipi jeh ahi dem? Dinmun hoi tah le kitup tah Pathen in apeh ahivanga midanga dinga Mi-tilkhou theina natoh mudoh thei umlou beh mihem tampi aume. Hiche hin avetsah chu Dinmun le Degree sehchun midang amoh tilkhou theilou ahi. Amavang adinmun le a Degree toh kilhonna chu natoh ahin neidoh teng lebou adinmun a kon a chu midang ahin tilkhou theibep ding ahi jo bouve.
Hiche jeh a chu kineosah le natoh pha mihem chun anei jing teng le agel jeh a chu ahin toh doh ding chule
ahin toh doh teng le a chamía ama chu midang tilkhou thei hinkho chu hung kilhung lut jeng ding ahijoi . Din-
mun le Degree jeng seh chun midang atilkhou theilou ahi. Hiche jeh a chu tukhanga mihem tamtah dinmun
phatah tah nei ahi vanga mitilkhou theilou tampi um ahi. Mihem khat chu ama thepna le chihna sheía midang
atilkhou thei lou ahi. Christian hinkho hi kitahsanna pen hi midang tilkhou theina dinga abul ahi. Midang tahsan
hi doh theina dinga Society kiloikhomna hohi ngailut ding milah a lhah jing ding hichun ama Pathen ngaisah mi ahi ahin ngailut ding milah a lhah jingding hichun ama Pathen ngaisah mi ahi ahin sahna hiding ahi. Milah a
panglou beh ho chu koiman atahsan jeng lou ahi. Milah a pan jing theihi hongphal hinkho vetdoh na dinga abul ahi. Ajeh chu ahongphal lou kiti chu milah a pang thei lou ho seina ahi. Mihem khat chu milah a ahung pan jing tengle ahung pan jing theichu hongphal ahi na JEM ahi-Milah a panglou beh chun midang tilkhou hinkho anei lou ding ahi. Hiche jeh a chu Hongphalna kitena Degree chu milah a pan thei hi ahi. Govt. a Officer khat hiyah ahi vanga milah a panglou beh loi aume, Veote ipi dinga milah a pang thei lou ham? Khat vang umtei ding ahi. Ama officer hijeh a chu min amoh tahsan jeng ding ahipon milah a apan jeh a bou tahsan lhing hiding ahi.
Mihem khat le khat kitahsanna hi 100% ahi jing angaiye. Mi khat chu Govt. officer ahijeh a akitahsan-
na chu 50% bou hiyah ahi. Milahía ahung pan thei le 25% hung kalbe a Pathen a dinga Hopsom phatah a
ahin peh jing a HOU in ahung kai jing le 25% kalbe kit a agom a 100% hung lhing bep ahi. Hiteng chule ama
kitahsanna chu lhing keiya kisimbep ding ahibouve. Hiche jeh a chu HOU IN kailou officer ho hina kigel
u angaiye.
Nangma seh nakigel sang vanga midang in nagel sang lou le Zero nahi ahibouve. Midang hon Zero Degree
na hisah le ahi na hi jeng ahi. Officer nahi chu office a mihon bou na sim nao hiding ahin Society a toh hitha
lou ahi. Houbung miho sim le Society in isimna joh chu mihem a dinga thupijo ahi.
Hichejeh a chu Christian hongphal kiti chu milah a pan jing thei hinkho hi kisei ahi. Milah a hung pang jing
thei mi chu apan jeh a chu na toh thilbol machal jing tei ding ahi. Milah a pang thei lou mihem chu simlou
hinkho ahi bouve. Christian hinkho hi kiloikhom hinkho ahi jinge.
Dr. Billy Graham hi midang adinga akipeh doh thei jing jeh in Lhacha kipapi um ahi jinge. Athi nung jong le kipapi umhi den jing ding ahi. Nang jong na hinsunga midang kipapi nahi thei teina dinga nakipeh doh jing
ding angaiye.
North East Tribal ho lah a amipite dinga kipe doh jing thei ho chu Ao Tribe hoa dinga Rev. Dr. I. Ben Wati
ahin, Kuki ho dinga Dr.T.Lunkim ahin Hmar hoa dinga Dr. Rochunga Pudaite ahin Paite hoa dinga Pu Rev.
Thangliankham ahi. Adang dang tampi aum e Column in adol lou ahi tai.
*William Carey in ahinkho India mipite dinga ahung kiphal thenga Bible tamtah eihung le doh peh jeh un
Missionary ijat um jong le Indiate dinga William Carey khel thei dinga sei thei umdeh lou ahi. Kipeh doh thei
hinkho chu midang tilkhou thei hina dinga vetjui thei ahi.
