Tevez in minutes 26 a goal khat alua ana tat lut in chuleh Gonzalo Higuan in chom khat jou in anina goal chu akhum kit in ahi. Chujou vin, Tevez in 25-yark akon gamlha in Mexico's Javier Hernandez in goal khat akhum masang in jona ding goal chu akhum tan ahi.
'Hiche hi final kalhun jou nading uva kama chal nao-va apoimopen lampi khat , kalhun nom nao chu ahi. Tuhin keiho quarterfinal a kalhung taovin chuleh angai chapen chu ahile hoitah a kakichep dingu chu ahi. Kaki chol uva, kajonao chu thanomtah a kipana a kanei dingu chu ahi,î tia Tevez in asei, The Sun akon thulhut kimu chu ahi.
Ahivang in, Mexico boss Javier Aguirre in Tevez goal khum masatpen chu alahpih jeh in Referee Roberto Rossetti chu adem in ahi.'Hiche keiho lung asudai lheh in, chujouvin vin keihon kakhum pei kit uvin ahi. Referee pain goal anina pa ajong asuhkhel kit jeh in demna kanei kit in ahi,'tin Aguirre in aseiye.
Linesman Mauricio Espino in England te World Cup a kinepna chu asutang tai: Ferdinand
London, Lhadou 28(ANI): Akisukha England captain Rio Ferdinand in aseina achun, linesman Mauricio Espinosa in World Cup lahna dinga lunggel kanei u chu asutangtan ahi. Uruguayan referee pain 39th minutes a Frank Lampard in apeh post akhah joua goal line akhal jong chu amudoh pon ahi.
Pathenni in England te World Cup last 16 achun Germany te khut in 1-4 in alel uvin ahi. Manchester United defender pain aseina achun,kakibah uva ahile, three lions tehi jona a eipuilut dingu ahi ati. ì Lampard in akhum goal chu akisim a ahile 2-2 a kakibah dingu chuleh hiche chun kichepna eilokhum sah dingu ahi. Katahsan khat chu jona a jong eipui galkai dingu ahi,' tia Ferdinand in asei, The Sun akon thulhut kimu chu ahi.
'Kaloi hotoh katou khomuvin chuleh kaloiho jouselemipi jouse toh kapeng jahuvin ahi. Professional footballer khat kahin, ahivang infan khat jong kahi kit jeh in,hiche chu echengei a hahsaham tijong kahe kit in ahi,'
tin Ferdinand in aseiye.'Nalungput dan in naumchan chu amusah in chulehgel in, epi jeh a amain amulou ham? Hiche chucounter-attack ahiloule thildang khat ahipoi. Kichepna achelha bang in amajong alhei in, hiche
muna jong chun aum in ahi.Amain in hiche chu amutei ding ahi,' tin Ferdinand in aseibe kit e.
Adohna achun, amain video technoly kithopina chu aman hinam?. 'Kichepna chu ahinathei chan a ema kithopina mangcha loua keiman in phatseh a kahin vet jing ahin, ahivang in hiche goal chu anape taleng tournament chu ahi nadol bangtah a chelha hiding dan ahi,' tin amapa in adonbut e.
Ferdinand hin akhup akisuh khah jeh a last 16 match chu ainsungmite hotoh vangphat nading St.George
cross lim chu amai a kisut pum in ave in ahi.
World Cup a matah a alel jeh uvin Italy team players hon minsetna nasatah toh
Monza (Italy), Lhadou 27(IANS/AKI): Italy te gangtaha South Africa muna soccerWorld Cup a alel tah jeh uvin agamsung uva dangka 140 million euros chu restaurants, sports merchandise vendors chuleh adang dang
sumkolveina akon alodoh joulou jeh uva mangdingu ahitai.
Team's ho gangtah a alel nao hi Italians langa panghon merchandise ahilouleh 27,000 sumkolveina Italy muna gym ahilouleh sport field seiding in tennis, basketball, chuleh gamsunga football kichepna lam a sum asohlut dingu ahitai.
Vanghomni in Italy tehi World Cup a Slovakia te khut in 2-3 in ana lel taovin ahi. Italy's coach Marcello Lippi in South African city Johannesburg muna match kichai jou in football lam a lha ejat hamkhat kichol ngahna kanei ding ahi tin anaphong doh in ahi. Achesa kumli langa ateam hon France te ajo uva World Champion ahung hi uvin chun soccer fans ho Italy lampi achun dimset in aum uvin ahi. South Africa muna ahung kile uvin a fans ho lunghanna chu Rome leh Milan Airports muna 'jahcha' tah in players hon akhang uvin ahi.
