Bangkok, Lhaphul 15 : Thailand a army ho leh sorkar deilou jeh a kiphin “Red Shirts” ho kinah jeh in akiphin ho mi 16 athi in ahi. Bangkok khoi a meikhu akitung lah lah jengin ahi. Athah beh a kiboina hi janhi achu Bangkok khopi lailung tah a akiphin ho chu sepai hon thal akap jeh uva kiboina hi umdoh kit ahi. Lampi mun phabep sepai hon ating un chuleh check point asem un akiphin ho umna chu aum kimvel un ahi.
Akiphin ho hin prime minister Abhisit Vejjajiva sorkar kisu mang henlang elections athah beh in um hen tia angeh u ahi. Lha 2 val hitia kiphinna ahin nei jou un boina hi athah beh in ahung umdoh kit in ahi. Akiphin hon sepia ho chu song in asep un, gophel in akap un chuleh meiya hal khum din anano khum un ahi. Mi agom in 16 athi in abon uva chu Thai mi ahiuve tin Erawan emergency centre official in aseiyin ahi.
Thailand a akiphin ho leh security ho kinah jeh a mi 16 thi
