Lars Vilks, Swedish cartoonist pa Prophet Mahammad lim asut jeh a Muslim ho hatah lunghan sah le lungnom lou sah pa hi leisemni a freedom of speech chungchanga hil chen na anei pet in hetlou mi khat in alu in ahitat in ahi tin aman seidohna ananei in ahi.
Hiche chung changa thilsoh ho video chu Swedish newspaper websites ah vetthei dingin akikoi in ahi.
Hiche video in amusah na achun, lecture hall sunga chun mipi lunghang tam tah dinga kisen chuleh, hall
masanga police le numei police hon mikhat pepper spray akap khum u akimu in ahi.
Vilks, Prophet Mohammad lim uicha tahsa a 2007 a anasunpa chun aseina ah, hitia thakhat a eihin bulu pachu Stockholm apat 70 km (44 mile) tobang a um University of Uppsala a thu kasei pet chun touna malanga
chun atouvin ahi tin asei un ahi.
“Hiche pa chun aluchang in eihin tan hichu keijong bang langa kalhu in kamit beh jong kana mansah in ahi”,
tin Vilks chun asei e tin new agency TT thulhut chun asei in ahi. Chuleh aman aseibe na ah, vangphat umtah
in kitoh khah na kanei poi tin asei in ahi.
Swedish Mohammad Cartoonist athusei pet a kibulu
