Imphal, Lhaphul 13 : Manipur a ADC election umding deilou jeh leh NSCN-IM General Secretary Th. Muivah hung kholjin kigot jeh a National Highways 39 leh 53 a blockade aum jeh in aniseh a ngaichat ho iti lam a pohlut thei ding ham tin Chief Minister O Ibobi Singh lamkaina in Unified Command in tuni chun CM Secretariat a kihouna ana um in ahi. Kihouna achun FCS Minister Y. Irabot, Chief Secretary, DGP, IGAR(s), GOC 57 Mountain Division, KI Sing IOC, Joint Director SBI, IF (CRPF) chuleh DIG (BSF) ho apangun ahi.
Thulhut kimu dung juiyin gam pama thilpo trucks umden ho hung theina ding lampi chuleh thil angaicha
dom dom huikonga hin poh ding ti ho jong aseikhom uve akiti. Tua thil pohna ding lampi kisei ho lah a Churachandpur a Guite Road, NH-53 chuleh adang dang jong apangin ahi. Alangkhatna Chief Minister
Secretariat in thuphon anei na a tua kiboina ho leh hahsatna hohi sorkar in agan nathei channa sei cham ding angaito in hiche jeh a chu mipi ho thoh hat tah a aum nadiuvin Chief Minister in temna ahin neiyin ahi.
Life saving drugs, POL chuleh nitin a ngaichat khoh ho poh lut nadingin lampi chom chom akigong in ahi.
Hiche jeh achu mipi hon kilungtoh tah a pan lahkhoma eima chang tum ding gel louva thil ho tampi pia kichoh
khol louva chuleh dan dih louva thilman sang tah tah a joh louna din chief minister in mipi ho koma temna
aneiyin ahi. Koi hileh hitobang hahsatna chunga ama phatchom nading bou seh bol ho chunga dan khoutah kila
ding ahi tin state sorkar in aphongin ahi.
Nitin a ngaichat ho pohlut nadin Unified Command in kihouna nei
