Imphal, Lhaphul 15 : Manipur a Th. Muivah hung ding deilou kiphinna tunin jong phaicham district
mun chom choma ana um in ahi. Patsoi constituency muna peace and solidarity umna dingin mipi kijotna
ana nei un ahi. Hiche kiphinna hi United Committee Patsoi A/C in agon ahin local MLA S Kunjeshwaor
panna in mi asanga sim in kijotna anei un ahi. Mipi kijotna chu patsoi Toumang apat Tera Ideal Club gei ana
um in hikom achun mipi kikhopna jong ana um in ahi.
MLA Kunjeshwor in ahoulimna a state pumkhat ahi jingna dinga mipi ten pan alah naho kaki letsahpi lheh
e ati. Aman aseibe na a state sukeh kigo a hung kholjin ding Th. Muivah hi mijousen dem angaiye. Ajeh chu
Muivah hi Nagaland state adin minche lheh jong leh Manipur adinga tolthat ahi ati. MLA in aseina a state
sorkar in Muivah hung ding aphallou hi thinglhang leh phaicham a um mijousen tha khat tah a panpi angaiye
ati.
Alangkhatna Khwairamband bazaar muna jong toumun kiphin ana um in ahi. Hiche ahin Imphal tolpi a bazaar thupi dom Thangal Bazaar, Paona Bazaar Nagamapal, Keishampat chuleh Lamphelpat Sanakeithel hon pan ana lauvin ahi. Kiphinna aum sungin hiche mun hoa dukan ho akikah soh keiyin ahi. Akiphin hon lekha kijih ‘ Manipur a Muivah hung thei ponte’, ‘Muivah kinungle inî, ìManipur a Muivah hung theiponte ,’Muivah
kinungle in’, Manipur hingsot hien’ tiho atahlang un ahi.
Manipur a Muivah hung ding deilou kiphinna um jing
