~ Doupao Kholhou
Sadar Hills District ahung kithum pat lai chun Manipur a District 6 (gup) bou ana um nalaiyin, hicheho chu,
1. Imphal District  2. Churachandpur District 3. Senapati District 4. Ukhrul District 5. Tamenglong
District chuleh 6. Chandel District 3 (thum) akisemdoh ben, hiche ho chu 1.Imphal East District 2. Thoubal District,  chule 3. Bishnupur District, ahiuve. Tutu  a hin Manipur ah District 9 aum in, hiche ho lah achun isopiu Nagaten District 3 (thum) tichu, Ukhrul, Senapati leh Tamenglong atou phao vin ahi.
Eihon vang Churachandpur District  tilou adang inei pouvin, SADAR HILLS District imu phat u leh Manipur la District ni (2) inei diu ahitai. Sadar Hills District movement thu ah Bandh, Blockade leh bolthei seithei   tamtah anakibol lin, Elbai leh thina chan gei ina toh taovin, ahinla tuni chan in ilolhing thei hih lai uve. Itobang
lungthim kheng leohen District thah noiya lung monga iumthei diu ham? ti hi igel khoh cheh diu thil pha ahi.
Lolhin theina din SADAR hung kon dohna veo hite.
S= Special
A= Area
D= Demarcated
A= Autonomous
R= Region
SADAR long form, 'Special Area Demarcated Autonomous Region' hi kimoh suhto ahipon 1947 kuma India
ten chamlhat (Independent) amu ding phat na Kuki te koiman suboilouva lhamong le lungmong tah a achen khomthei na diuva Special area tichu, achom mong mong sapkang ten gamgi anakaipeh a Autonomous, amaho le amaho kivai hom thei na Power anapeh na gamkai (Region) chu Sadar hung soh ahi. Tunin, Kuki nam sunga M.L.A, Minister, Student organisation, Kuki Innpi-Politician, thinker leh gam ngailu kiti jousen athah beh in ngai tou hite. Sadar Hills hi special area ahina aum tapon, Demarcated, gamgi eikaipeh nao ihuh jou tapouvin, Sadar Hills sungah Revenue lutna pou, Imphal East pou ahung um doh tan vangset aum lheh e.
Chule, Autonomous, eile ei kivai hom malah in Chief Ship jong hi suh bei thei hileh sotpeh a agam nei kiti
hohin asuh bei diu ahitai.

Tun Autonomous District Council Election, Thinglhang gam jouse a nei in aumtan, ahinla isopiu Nagaten
adeipouvin Candidate jouse jong gih na anei un, withdraw kibol lou aum leh Naga Society a pat nodoh ding, A-in alou suhset deh ding changei gihna anei un ahi. Adei lounao ajeh hoitah a ivet leh adihna aum in ahi. Autonomous District Council election hingal la, Autonomous ahina umlou (Judicial & Legislative Power neilou chu phachom lou ma ahi.

Tunia isei nom pen ahileh, isopiu Naga ten bon Manipur sunga amaho toupha na mun jouse Naga Land hisah ding tia kiphinna anei uva, MLA aneihou vin jong athil thum u lohin theina dinga haina lekha (resignation) apeh ngam uva India pumpi aloling jou uleh, Kuki ten Manipur kena ding jong hilou, gamgi special la kikaisa , eile ei kivai hom theina dinga Power eikipe gam kol sunga hi iti dan na thuneina inei thei lou uham? Sadar Hills  district muna dinga alal touna dalha ngam lou MLA/Minister chun gam le nam kangai lui tijong leh jousei ahi. Gam le nam ngailu Naga MLA hon alal tou nau adalha gamtao ve.

Special Area Demarcated Autonomous Region ahina toh kitoh a Sadar Hills District Demand Committee
hon pan ahin lah uva mipi jousen itosot uva gang tah a Sadar Hills District alolhing lou hi elolhin sah loidiu dei
aum e.