Imphal, Lhaphul 15 : Chandel district Khambathel muna 21 AR hon thingnoi mi hidia ginmo anatha hou chu
koi ahiu tuni chun akihe chentai. Amaho chu W-S Momo (27) s/o W.S Jackie, Khambethel (Chandel), HB Givingson (19) s/o Livingstone, Toupokpi Chakpikarong, Th. Rockson (26) s/o Th. Wngdok, Kotal Khuthank
Kengjoi, Hmanthung Bungdon (43) s/o Bd. Lumhring, Khupi chuleh Naocha Haokip s/o Thangsat Haokip, T.
Gampijang (Churachandpur) ahiuve.
Insung mite akon thulhut kimu dungjuiyin amaho hi Pakan Revolutionary Army (PRA) ahiuve akiti. Amaho
hi 21 AR hon kihou dinga akou uva AR officials ho kimupi dinga ache nauva kithat ahiuve tin thulhut kimu
chun aseiye. Hiche pet achu thingnoi miho hin manchah achoi pouve ati. Hinla AR hon kikap tona a thi ahi atiu chu tahsan aumpoi ajeh chu athi ho tahsa chu akivohna maha aume akiti.
Post mortem akibol jouvin mi 3 thilong chu a insung miten akilah tauvin tun thilong 2 morgue a aum nalaiye. AR ho thulhut dungjuiyin thingnoi mi 5 hohi kikap tona a thi ahiuve ati. Chuleh amaho akon in M-16 Rifles 3 leh AK series Rifles 2 leh achang tampi jong akiman doh e tia anasei u ahi.
Janhia 21 AR hon mi 5 atha ho kihe chen ta
