American Idol 2010 top 4 lah a Micheal Lynche nodoh hita

Posted by Bombiel Media on 3:44 AM in |
Micheal Lynche hi American Idol Top 4 lah a anasaloi khat hijong le vahchanni (wed) nilhah chun vote
lhompen anamu jeh in American Idol Season 9 top 3 a chun anapang jou tapon ahi. Lynche, kum 26 a upa St
Peterburg, Fla mun a personal trainer pahin, viewer le  judges hochu lunglhai loutah in anada lhan ahi. Lynche hin, Micheal Jackson la ‘WillYou Be There’ kiti chu anasan hiche a chun judge hon Lynche koma chun nalasah vangchu ahoi jou behseh pon hijongle safe vang nahiding ahi tin anasei peh un ahi.

Result phondoh na aumpet a Casey James amasapen a safe tia ahung kisei chun mip iho chu ana lungdong lheh un ahi. Ajeh chu amahi mipi hochun Lynche toh bottom two umdinga gin chatna anei u ahi. Season 3 ana la Fantasia in a upcoming album a la ‘Bitter sweet’ kiti chu asa in show chu hon na anei in ahi. Chuleh, BonJovi in jong lakhat ‘Superman tonight’ kiti chu anasa in ahi. Chomkhat jou in, Season 5 finalist Chris Daughtry chun a rock band ho toh ‘September’ kiti la anasa uvin, chujongle Grammy a nominate mu Daughtry hin finalist a lut ho koma tilkhouna thujong anasei peh in ahi.

Tua, American Idol finalist a um nalai hohi, Kum 26 a upa musician Crystal Bowersox, Toledo Ohio nu, kum 24 a upa paint sale clerk Lee Dewyze, Mount prospect III, pa toh kum 27 a upa musician Casey James, Fort Worth Texas pa bouhi ahitao vin ahi.
Tags:

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home