By: Rev.Letngam Haokip

Vannoi muntin gamtina um tahsa le lhagaova kangailut sopi ulenaote igamuva Pathen natoh loupitah ana lhung Kipana Thupha igamuva ahunglhun apat a kum 100 alhinna lopna kinei report phabep kahinbol nome.Hiche hi ahungpangtheilouhonjong ahetding kadeisahnajalla phunggunchuna a chang tumbu poh kahintho ahibouve.

Evangelical Churches Association hi Evangelical Congregational Church of India formerly known as North East India General Mission(NEIGM) noija presbytery 6 holah a khat ahi.Hitichun,ECA hin Southern Manipur Gospel Centenary Celebration chu Missions&Evangelism Department mopohna apehtoh kilhon hiche programme chu anoija munle phat sunga akimang in ahi.Report phabep anoija bang in kahinbolle.

1.Amun :Peace Ground,Tuiboung,Churachandpur,Manipur,India.

2.Aphatsung; February 11-14,2010

3.Kipana thupha hunglhundan: Manipur South District lam a Kipana Thupha hunglhundan chu achom lamin kahintahlangnome.Welsh gam a lhagao lama halna anasatah analhuntoh kilhon in Pu Watkin Roberts chun India solam gamkai a Kipana Thupha seeiphong ding in apohnatna le Pathen kouna achantoh kilhon in Dr.Frazers te nupa toh ahung kilhon un Mizoram,Aizawl alhung un hiche achun Dr.Frazer te nupa toh loule ai mangcha in adamlouho jenna le lou pehna aneijun Pathen thu seiphongna in amangun ahi.Hitichun Watkin Roberts chu nungah khat in lampia achadonna ding agilkel adangchah a nehthei akichohna ding in sum aseidan un 30 apen ahi.Ahinla aman atahsa ngaichatna neehl;e donna sdang in hiche mangcha in Kipana Thupha lekhabu John Gospel sutna in anamang e.Hitichun,hiche John Gopsel bu chu eiho Manipur Senvon kho Haosapu Kamkholun Singson in anamun athu chu adeh in John 3;16 chu alungthim atongkhan hitichun abukoma lekha ajih in Pu Hiche thu hi neihung seipeehun tin leekha Watkin Roberts chu athottai.Hiche chu Pu Watkin Roberts chu amu phat in Solcha Paul in Macedonia kouna amubang in ageltan ama le aloiho toh Senvon kho ahinjontauve.Ahunglhun phat un khomipiho chun sapkangpa amu uchu kichat le vetnom um asauve akitti ajehchu ilim imel u kibahloujeh hinte.Hitichun akilelam un ahinlhonpi lah a Pu Thangkai Vaiphei le Pu Lungpau Vaiphei chun asa o lhon asutlhon in Pathen ahoutauve akiti..Tulaitahhin EOC ten Lingsiphai muna Gospel Centenary lopna kin aneilaiu ahin amani lim songa kijih chu mihon thupi asalheh uve.Senvon khoa ahungkimanchanao nikho dungjuijin May 7,1910 hi tunichan in Missionary Day in kumseh le akimang in ahi.Hitichun muthim gam a vah ahunglhungpantan aban in amachaltoupeh in Christian ahungpungtoupehtan ahi.Tuchan in ECA Houbung mi jong 30,000 avaltai.Awleh Houbung thusim seiding ihiloujeh un hichan hin ngatange.Indoi seldoi Pathen limsemthu kithoi kisem juneh saneh sa o pailaha Pathen inahou u ahin,Kipana Thupha muchi Watkin Roberts i ahintua kon in Pathen in amachah imi isa Pastor le lamkai masaho amollem tamtah ho jana ipeuve.

4.Khoppi thupi: Darkness to Light.Isaiah 9:1&2.

5.Meisel kidet :February 11,2010 lhunkimni nilhahlam 430 p.m akipan in ECCI Office,Nehru Marg,Churachandpur apat in Peace Ground,Tuibong Hall sung channa mihem sang som vallin melsel det in kijotna aneiyun vetnom le lungthim nasatah tongkhan thusapphong le Celebration hondohna aum in ahi.Lampia mikijotho veholah a Meilhei khat in Tungda soidana ahongba lakkani atin ahi.Itobang kikhelna chu ahunglhung tadem ngaittouhite.

6.Ahungkhomho : Anaitoma miho houbung chom chom akonna mipi kikhopna alopna a pangho tilouvin Manipur ,,Assam,West bengal,Arunachal,Nepal,Bhutan,Meghalaya adang dang akon in mipi le Pastor Area Choir ho chule Missionary ho leh Houlamkai Pastor ho,evangelist ho ahungkhom un ahi.Changpol camp kisa ho a kipahtah le thanom tah in alhunguve.Abangvang chu inluma nomtah a lhungjong umnate.Jesu lupna gan ankong eigel dohsah uve.

7.Speaker ho : Rev.David P.Saunders Ambassador of WECCF,Dr.Tony Sergeant,Ambassor of ICC,Glassgow,Scotland,Rev.Michael Healy,Senior Pastor,HothamBaptist Church,UK.Rev.Dino L.Touthang CEO Habitat for Humanity,
Rev..Lamboi Haokip ICC,Glassgow,Scotland,

8.Choir ho : ECA Pastorate Area 13 vel akon Choir member mi 1000 val a kon in kikhopseeh leh Pathen vahchoila ngeinom umtah tah le lungthim suthoutah akingailhajing in ahi.Centenary lapi ngainom umtah asauvvin ahi.

9.Cultural Troup:Molnom Cultural Troup le m.Songgel Cultural Troup ho a kon in pule pa chondan le lamdan ho lasah to thon atho uvin Sapkangten jong avetnomlheh uve.Ihinau ajah jengu hilouvin amittah in amuvin ahi.

10.Centenary Song hondohna: February 13,2010 nin mipi Peace Ground apat in Molnom kho a ECA Memorial stones kidona muna Songhondohna kin aumin ahi Pengkul mutna le Hall muna Dapi 100 vei chupna lamkaiho le speaker hon aneijuve.

11.Centenary Souvinir: Abu standard tah a kibol Souvinir hondohna le sodohna jong aum in ahi.

12.Thuseiho akonna melchihthei phabep ho chu:
Dr.Tony Sergeant in athuseina a India a hin 46 vei tobang kahungtan,North east a kahungna dinga hin kataona kum 30 ahitan,tuchunga kahunga speaker a kapan hi Pathen in einangasah ama gon ahi ati.Chule hiche programme a kahungtheina hi J.Lamboi the finest young man who is studying at International Christian College,Glassgow,Scotland ama jeh ahi atitn apachatna thu aseijin ahi.Chule anina a aseilah a vannoi pumpi munchom chom a khoppi ho a speaker hina a kachetan ahin aum khaloubeh kamuchu mi 10 vallin kitohtah a khut avaiya alamkai ja mihem 1000 in la asah u chu tuchung hi kamu patna ahi atin ahi.Saptee ho chun Choir leader hon themtah a vettnom umtah a la kivai chu nasa asauvin avetnom lheh uve.
Pathen thusei ho thusei hi ahing in ngeinom le lungthtim tongkhatah tah aseijun ahi.Adeeh in centenarry kiman a konna maban a pan lahding dan tilkhouna le adeeh in khangdong ho mopohna lamkai ahung hiding u tilkhouna nasatah aneijun ahi.

13.Centenary lopna : February 13,2010 ni vai apat in Hall sunga mipi in kipah le thanom tah in Pathen vahchoina lam le lasahna akineiejin ahi.Hiche a hin Hou lamkai ho,speakerr ho le Government officer ho lhimtah in alamkhom uve.Churachandpur DC nu Jacintha Lazarus jong apang in ahi.Amahi Christian nungah DC inei u chu ahi.Officer ho laha a phabep amin u kahinphondoh ahi.Pu Seeiboi Singsit IFS,Pu.D.P.HaokipIRS,Pu.J.lhungdimIDAS,pu Lamsei Baite IFS,Dr.DDHaokip[ IFS,pu TT Haokip Ex-MLA and Former Dy Spkr,Mnp Assmbly,Pu Lunminthang Haokip MCS Pu Thonglet Baite EE adang dang amin u kahinsun joupoi.Apanmun u jong kiseilou ahi.Amaho thusei le natoha konin mipi lungthim nasatah in atongkhan kipapi umtah ahiuve.

14.Missionary ho report :Iindia sunga adee in north east state ho phabep akon imn missionary hon report abollun kipapi aumlhe e.Chuleh ama gamche akonna achondan u vetsahna le Pathen vahchoi la sahna le lamna aneijun hiche choegraphy hin speaker ho le mpiho lungthi atongkhalhehe.Vetnom le kipai umtah jong ahi.

15.Guwahati Mission Centre: Guwahati ECA Mission Centre a building khat sahna dinga Rupees teen lakh budget kigong chu Feb.14,2010 ni jingvai jin fund drive kibolna a sum kitohdoh le sana nkhi,bilba ho le adang panna in lakh 8 to bang akimui ti ahi.Hiche ahin mitamtah in jong kitepna asang asom in aneiuve.

16.Tolom kidon akon kimujat :Mission field ho a project dinga offering collection kibolna ho a Rupees twenty thousand apat in thirty thousand kah ahijinge.

17.Kaikhomna a mi tamdan: Alhangpin kikhopseh leh mi sang somni chunglam ahijinge.Touna changjoulou adinthoa thungai tamtsah jong aum e.

18.Hall kisah dan le akimvel a Hoteel le adang dang kiboldan:Hall lentah kilomtah akisan abana aveltoma koikoi department a kon in advertise kibolna le Hotel nehthei ajat jat kijohna abulhingset in mi ama a summuna ding a akisalelcheh in mipi lam jong alangphang atamthouvin mihem atamjeh in vutvaikhu akitungjenge.Speaker ho jong program phatah a ajuitohchet uleh khojin konle jing an aneetheipanbep ui.Alhunnau hi Upa Demmang Haokip Veb.Vengnom le Pu TN Haokip In jinlhun in in aneijuve.Inneite kipapi umtah ahiuve.

19.Mopohna neiho pachatna: Rev.J.Lamboi Haokip International Christian College,Glassgow,Scotland a Th.D, bolpan tuchunga speaker ho hi ahintollhah ahijeh in amahi koi ahi iheuvin ahoubung le chile nama adinga tahsa le lhagao lama khangdong lamkai thilbolthei khat chu ahin kipapi le kisonpi umtah ahi.Abana Rev.Dino L.Touthang jong tuchung Centenary kilopna a hatah a pan alah a Khangdong ho tilkhouna nasatah aneina chunga chule inampumpiuva lamkai mon umtah ineieh un kipapi le pachatumtah ahiu.Amahi 1975 lai a KCA tua ECA kit Pastor Area Choir khat a member anahin officer hdinga kineppi anahi chu Pathen kouna changa Bible ajila konna tu adinmun chana Pathen in ahinpuitoupeh ahi.Abanna Rev.D.Jangkholam Director,Mission&Evangelism,ECA hi ECA Khoppi lenho kiboldohna dfinga Pathen manchah lamkaidan them,vaihom them,tohgondan them mi khat chu ahi.Adang dang pachat a lom atame. Hijongleh example a kipe ahiuve.Loupina Pathen joh changtahen.

20.Achaina in deidan: Khoppi kiboldan hi ahoilhe e.Ahinla alhahsamna le alhinlelna umteidng ken jong hitin kibolleh hiche hi kiboldanle tia kageljong umtejinte.Tulaihin lamkai sang in mipiho chihna themna le haosatna a khangtoutan inam khantouna dinga thilpha bola kiseipehtoa kilungkhatna panlading in kahintemuve.Adehin tua ECAlamkai itihou hi Mikhat kamui in khat asai ti le Kiamgei leihao phaba lam amani ani ama ani ani ani mari ti sim ahibouve ti ihet pehdiu ahi.Khonung teng Pathen tulai khangdong Pathen i agon eitun dohpehnadiuvin taunan hejinguhite.

Ngaito ding :Pu Watkin Roberts in agamleiset anu apa aloi agol dalha a eiho Kipana Thupha seiphong peh ding a agollhan lai hinkho a ahung kipehdohdan ngaitou hitin gamle nama ading a igollhanghon kakipedoh e atibang un nangin centenary jouva Christa dinga Kipana Thupha heeloulai ho India gamjengseh hilouva gamdang ajong kondinga nakigot tah eem adeh in ilim imel u kibah pia Asia sunga gamho a Vetnam,Cambodia,Thailand,Myanmar,Nepal,Ttibet,China adang dang gahven Jesu Christa hung kitkah in nachihna nathemna naboltheina mangchan knakon loudingham?Vetsahnan isopinu Lhingboi Haokip hi nungah ahin tuhin Mongolia a missionary a tongjinglai ahi. .Amahin OM a tohlaiya map avet a anataopeh gamchu ahin kum 10 jouva Pathen in asol ahi.
Nangla sopi Centenary kimanjouva i natiding?